Home Policial Malhechornan a maltrata señora di 71 aña severamente den su cas

Malhechornan a maltrata señora di 71 aña severamente den su cas

0
0
SHARE
- Advertisement -

PolicialORANJESTAD.(AAN); Recherche di Santa Cruz ta investiga un caso serio cu a tuma lugar den oranan di marduga. Segun informe pa 1’or y 35 di marduga a drenta informe na central di polis cu ta urgi presencia di patruya Santa Cruz na cas di nan colega polis. Mesora a presenta un unidad na e direccion y a atende e asistencia. A resulta cu un señora di 71 aña di edad di inicialnan M.W. a bira victima di asalto cu violencia. Tres homber a drenta den cas di e victima, paga luznan of a corta coriente y a maltrata e señora severamente.
Hasta polisnan a solicita presencia di ambulans mesora pa e victima wordo transporta cu urgencia pa hospital.
Informe policial ta menciona cu e colega polis a tende grito pafo y ora el a bay averigua, el a topa e señora M.W. tur na sanger y mesora el a notifica central di polis pa dirigi patruya na su direccion.
E caso serio aki a wordo poni den man di recherche y no ta exclui e asaltantenan lo wordo busca, deteni y pa asina nan duna cuenta na husticia di a maltrata un hende muher indefenso severamente den su cas.
Nan lo a paga luz pa evita cu e victima lo por reconoce nan.
No tabata tin mas informe adicional cu ki proposito e asaltantenan a drenta den e cas y kico nan no a logra bay cune.
Investigacion ta andando den full swing pa sorprende e trio di malhechornan.
Tampoco tabata informe di e victima su condicion..

- Advertisement -

DUNA COMENTARIO

Please enter your comment!
Please enter your name here