Mike eman a duna fraccion di MEP un les di historia di Aruba ayera den Parlamento
Parce cu Booshi Wever y Evelyn Wever-Croes no conoce un version di historia di Aruba sin palabranan insolente
ORANJESTAD (AAN):Varios biaha por tende integrantenan di Movimiento Electoral di Pueblo ta papia di historia di Aruba y for di esaki nan ta hustifica insultonan manera (entre otro) “traidor” y “entreguista”. For di tempo cu Nel Oduber a tuma liderazgo di e movimiento, a cuminsa un aparente insistencia pa inclui palabranan manera “traidor” y “enteguista” den historia di Aruba.
Ayera Sr. Booshi Wever y Señora Evelyn Wever-Croes a tuma oranan largo den Parlamento di Aruba pa insulta un y tur cu tin un opinion diferente cu nan.
Durante henter e proceso aki e dos parlamentarionan di partido MEP a degenera tanto e instituto mas halto di nos pais Aruba y tambe historia di di nos dushi isla. Segun Sr. Booshi Wever y Señora Evelyn Wever-Croes, henter famia Eman ta “traidor” incluyendo tur cu ta afilia na nan. Adicionalmente nan a specifica tambe cu AVP ta un partido “entreguista”.
Sr. Eman a caracteriza su mes pa su discursonan al caso y di un nivel halto manera ta su custumber. Pero despues di varios dia caba di tende Sr. Booshi Wever y Señora Evelyn Wever-Croes ta insulta un y tur cu pensamentonan diferente cu esun di nan.
Sr. Eman a mustra ariba cierto hechonan di historia real di Aruba cu a laga tanto Sr. Booshi Wever y Señora Evelyn Wever-Croes cu nan “mond vol tanden”. Sr. Eman a cuminsa recorda e duo dinamico, cu den e oficina di Sr. Betico Croes, tabata tin unicamente dos potret patras di unda e tabata sinta. E prome tabata di Sr. Henny Eman (Sr.) y e otro tabata di Shon A Eman.
Na varios ocasion Sr. Betico Croes a mustra públicamente ariba e hecho cu tabata, tata di Sr. Mike Eman, Shon A Eman, e persona cu a inspire y tabata su mentor politico.
Un fecha importante di e historia di Aruba ta e fecha di 18 di maart. Den e archivonan di parlamento di Aruba, tin historicamente preserva e motibo pa a scohe e fecha aki.
Segun sr. Betico Croes mes, a scohe e dia aki pa conmemora e Diamars 18 di Maart 1948. Shon A, ariba e fecha aki, a entrega na nomber di Aruba un mocion, cu a pidi pa un “afzonderlijke status” den Reino Hulandes pa nos isla. Esaki kiermen un status especial, un Status Aparte, pa Aruba den Reino.
Por a mira claramente cu e version di historia aki a asombra henter e fraccion di MEP y te hasta e sostenedornan di MEP den tribuna cu a sinta tende cu masha antencion e version di historia aki cu no ta inclui palabranan manera “traidor” y “entreguista”.
Casildo Werleman
Crandioso ta loke senor Betico F Croes a hasie di trece un statusapparte den reino hulandes.Respete. Un persona cu ta un prome minister no ta bai den parlamento di un pais jama hende pa ladron,i sundra hende cu no ta na sbida mas Pakiko ??????? Mi ta hanja cu bo mester un castigo.