Motociclista a cay na Piedra Plat y keda herida
ORANJESTAD (AAN): Diamars anochi, e manehador di un scooter Malossi coriendo riba caminda di Kibaima pa Pos Abao, na altura di Jontai Hardware na Piedra Plat, a perde control riba esaki.
Dado momento e scooter a bay den un scual, y esaki a pone cu el a cay hunto cu e manehador.
E scooter a keda lastra su so, y a bay dal contra un Toyota Yaris color blanco A-20086 y despues dal contra un Toyota Hilux pickup color silver A-9390. E motociclista a keda benta eybao na prome instante, cu varios golpi, y corta na su pia.
Polis como tambe Ambulans a yega na e lugar, y asina a yuda transporta e motociclista masculino pa Hospital pa ricibi trato medico.
