Home Editorial Nel den Parlamento; Rudy na radio!

Nel den Parlamento; Rudy na radio!

5
3
SHARE
- Advertisement -

jossy_mansur_picTa parce cu dia Nel a sacodi e caha di e cadavernan politico cu e tin warda di su partido, por lo menos uno a bula den laira y a cuminza sacodi su wesonan manera den un intento di resureccion politico. Nel mes a bay den Parlamento pa brinda nos un espectaculo hopi deprimente, usando no solamente expresionnan hopi aleha di berdad, pero alavez palabranan inadecuado den e boca di un ex-Prome Ministro cu a ocupa e puesto ey den diferente ocasion.
Despues cu Nel a nota cu e efecto cu e tabata buscando a keda ausente, y cu e mentiranan cu e kier a bende como berdad no a haya cumprado, el a bandona Parlamento y a desaparece, lagando e skelet ehecutando su danza solitario. Mi ta referi aki na Rudy Croes, kende a bay den un arengue di ofensa contra Paul Croes, comosifuera e ta den condicion di desherede di famia pasobra e no ta MEP. Un acusacion increiblemente estupido tras di otro a sali di un boca cu no tabata capaz di defende e funcion di Ministro di Husticia honorablemente y pesey a yuda Rudy perde e mayor parti di su facultadnan di Ministro. Estupidez y amenaza a caracteriza su intervencion riba un nivel asina abao, cu ta hopi dudable cu hasta e peor di e habitantenan di baho mundo lo por a iguale.

Pretendiendo un reanimacion político cu e no a haya, el a bay na un radio latino den weekend, pa hunto cu un locutor permisivo, cuminza un agitacion contra AVP y Gobierno pasobra na January e latinonan cu ta desea di haya e nacionalidad Hulandes awor mester pasa un examen na Hulandes tambe, ademas di Papiamento. E no tabata falta palabra pa acusa e Gobierno di Aruba di tur clase di cos, keriendo cu e latinonan ta mes bobo cune. Pero, e realidad ta otro y e reaccionnan ricibi na DIARIO despues di su diatriba, ta confirma cu na lugar di gana e latinonan na su banda, el a aleha nan mas ainda pasobra el a tribi di ofende nan inteligencia.

E reglanan pa obtene e nacionalidad Hulandes no ta ser determina na Aruba, nan ta ser prepara na Hulanda! Tur hende mester ta al tanto di esey. Relacionnan Exterior y Defensa ta den man exclusivo di Hulanda y Aruba no tin nada di haber cu nan. Pesey nacionalidad ta competencia di madre patria y ta e ta impone e condicionnan pa logre. E gobierno local no tin nada di haber cu e regla nobo cu ta bisa cu for di January esnan interesa mester pasa un examen na Hulandes tambe, ademas di Papiamento. Purba cucuya e habitantenan latino contra AVP o Gobierno usando argumentonan fofo, barata y mentiroso, ta propio di hendenan falso cu cueste loke cueste kier recupera poder pa sigui maltrata nos isla. Wel, esey no ta bay pasa! Si un partido tin aspiracion pa gana proximo eleccion, e mester traha pe cu honestidad, no plamando mentiranan bisti cu e flus di berdad.

Si Rudy kier yuda e latinonan den nan buskedanan di permiso y/o nacionalidad, e prome cos cu e mester haci ta convence su coleganan MEPista na e departamentonan concerni pa nan flexibiliza e reglanan local cu Booshi a introduci y cu a causa bastante disgusto y problema pa e latinonan. No ta e hendenan di AVP tin e guia y control riba e procedimentonan y papeleonan ey, sino e integrantenan di MEP cu ainda ta sufri di e hipnosis di kere cu MEP a gana eleccion y cu ta nan ta manda! Mester bin cambionan radical den e departamentonan cu ta traha cu e bienestar y destino di esnan cu a bin Aruba pa traha, cria nan famianan y contribui na e progreso di nos isla. Ta imposible haci esey cu e mentalidad cu ta imperando actualmente den e departamentonan ey.

Cu e dos intervencionnan aki di Nel y Rudy ta obvio cu e partido no a cambia di rumbo y no ta parce di tin ningun idea di hacie tampoco. E speranza cu a surgi cu lo por bin un cambio impulsa pa algun di e hobennan cu si ta mira utilidad den un renovacion di strategia, tactica y rumbo, ta muriendo poco poco bao e sombra di e letania di insultonan personal cu for di un principio caba a substitui argumentacion y razonamento den e partido cu Nel Oduber ta dirigi pa e detrimento di dje.

Y ta e dos figuranan aki MEP kier exhibi como modelonan di “patriota”? Ta kico tur e Arubianonan cu si ta stima nan isla mester pensa di esnan cu ta pasando cas pa cas recogiendo firma pa purba desgracia nos isla cu un independencia total di e pais cu ta nos mentor y bon guardian durante mas di cuatro siglo? Mi ta sigur cu e mayoria absoluto di Pueblo lo derota cualke intento di separa nos di e pais for di cual nos a hereda e mayor parti di e virtudnan cu a converti nos isla den un di e paisnan mas estable y progresista di nos region.

- Advertisement -

3 COMMENTS

  1. Mi tin sigur awor cu Rudy ta sinta ta grita cu Diario ta pro colonialismo Liberal manera Balkende y cu su famoso frase ” hij verdient un klap op zij S…L ” y cu awor lo bai denuncia esaki na COPPPAL tambe mane ta su custumber, ta sa Rudy no sa cu aki no ta buchi cunucu nos ta. Mi tin sigur si bo puntra Nel kiko ta Copppal e lo contestabo si esey tin te maken cu Copa Latino Americano di futbol.

  2. Tanten cu e elementonan den mep, dirigi pa nel
    (Mephisto)cu, ki ora cu ta, ta saca su gal y odio riba epartido AVP y e Pueblo di Aruba cu a scohe pa un cambio, e partido aki ta keda bay atras.
    Y na final lo bira manera a pasa cu PPA.
    Un Benny cu pa via di su capricho, ignorancia
    y bobedad a caba cu e partido. Tempo lo decidi.
    Si bo kier keda cu e scepter den bo man te dia
    bo muri, tur cos rond dibo, tambe ta muri.

DUNA COMENTARIO

Please enter your comment!
Please enter your name here