Home Politica Pa luna di october logo nobo di Aruba mester cuminza aparece tur...

Pa luna di october logo nobo di Aruba mester cuminza aparece tur caminda

1
0
SHARE
- Advertisement -

avpotmaroduberMinister di Turismo: A bay den un fase transitorio
ORANJESTAD (AAN): Den encuentro cu Minister di Turismo tabata tin na Hulanda y Merca a ser palabra cu entrante dia 27 di September, mester a cuminza usa e logo nobo di Aruba. Otmar Oduber mandatario di Turismo a splica den conferencia di prensa cu a caba di produci material cu nan tin cu logo bieu pero pa October tur caminda e logo nobo di Aruba mester cuminsa aparece. A señala cu e mes a duna autorizacion pa usa materialnan cu tin y cu a wordo geprint pa por evita cu ta gasta fondonan publico sin cu e materialnan aki ta wordo usa.
Ta bay haya un fase transitorio cu por dura tres of cuatro siman, pero pa October definitivamente lo mester mira tur caminda e logo nobo di Aruba, a bisa. Segun e minister tin caminda cu cos por a bay robez cu promocion cu e logo bieu cu ainda ta ser mira. E cambio no ta sosode di un pa dos pero e lo ser regla.

Pesey el a duna ok pa tin un periodo di transicion caminda ta spera tur cos wordo regla. Ta bay yega e punto cu ta bay tin e politicanan di mercadeo tambe, cu tur persona cu haci uso di e logo aki sin permiso di ATA, sea pa publicidad of pa merchandising mester paga un tarifa na ATA, cual ta bira un entidad priva entrante 1 di Januari.

Entre otro esakinan ta bay bira entradanan pa nan por sobrebibi pa por logra cu ta kita e peso aki di berdad for di presupuesto di gobierno. No kier privatiza pa privatiza manera Serlimar a haci cu tur gasto a keda pa gobierno, a bisa.

E intencion ta pa 1 di Januari independiza ATA y den e reunion cu e tabata tin a palabra cu pa loke ta e parti di operacion ATA ta keda pa seis luna ainda ta haya un uitkering di parti di gobierno. Despues di 6 luna ATA mester ta completamente riba nan mes, a señala.

- Advertisement -

DUNA COMENTARIO

Please enter your comment!
Please enter your name here