Archivo di September, 2010
Minister Arthur Dowers:
ORANJESTAD(AAN): E titular di husticia drs. Arthur Dowers ta kere cu e cambionan cu e hendenan na KIA kier lo worde logra, pero no ta cosnan cu por worde cambia den un par di dia despues di a worde neglisha pa añanan largo. Minister Dowers a splica cu KIA ta un di e departamentonan cu tabatin atencion di Gobierno for di momento cu nan a sinta. Diferente persona atende cu maneho di husticia, a atende cu KIA debi na e diferente kehonan cu tabata drenta for di e hendenan aki. Hasta a instala un comision di tres persona cu a analisa e situacion. Loke cu a resulta di e investigacion aki, Gobierno a dicidi di interveni den e problemanan aki pa haya un solucion.
Tendencia den KIA:
ORANJESTAD (AAN): Den entrevista a puntra e director di KIA, Sr. Emilio Geerman riba e situacion di ziektemelding cu ta keda existi na KIA. KIA no ta un lugar facil
pa traha den.
Emi Geerman a duna un splicacion mas amplio riba diferente cos cu lo ta bon pa tene cuenta cune.
Por ehemplo, a señala cu tin 3 preso den un cel. Nobenta porciento di e personanan aki ta hopi asocial. Pesey e opleiding ta un di nan metanan pa cuminza e aña aki por lo menos cu dos klas.
Esey ta trece cune cu tur hende por haya nan promocion. Asina ta cumpli cu e responsabilidad na e trahador y ta spera cu esey por yuda mehora e situacion cu kizas por baha e cantidad di hende AO, a manifesta.
Marlin di SEPPA:
ORANJESTAD (AAN): Pa añanan largo tin kehonan riba e cantidad di ziekte meldingnan na KIA. Esey ta causa problema pa e maneho cu tin. A mustra SEPPA riba e preocupacion aki tambe di parti di gerencia. Edmundo Marlin a splica cu e frustracion na KIA ta pone cu e trahadornan no por funciona 100% cu consecuencia cu nan ta bira malo tambe. A splica cu e trahadornan ta frustra aworaki. Nan cosnan no ta worde regla na ora. Tin diferente problema cu ta tumando lugar na KIA. E trahadornan ta pidi ayudo y nan no ta worde scucha. Automaticamente ta bay haya e trahadornan frustra, a bisa.
ORANJESTAD.(AAN): Patruya di San Nicolas dialuna atardi tabata bayendo direccion di Watapana Gezaag relaciona cu problema di cacho. Na caminda polis a wordo para pa e señora di inicialnan R.A.B. cu porcierto ta biba den Watapana Gezaag. Señora R.A.B. ta declara cu cada vez su cacho ta cana los y un luna y mey pasa su cacho tabata “dik.” Hopi tempo e no a wak su cacho pero el a localiza of descubri su cacho y a constata cu e no ta “Dik” mas. Consecuentemente e señora R.A.B. a bay averigua unda yiunan di e cacho a keda y el a bin descubri e puppy nan na un cas Watapana Gezaag y no ta prome biaha esaki ta sosode el a duna polis di conoce.
Director di KIA: gradualmente ta bay sigui cu e otro klasnan
ORANJESTAD (AAN): Emilio Geerman ta director na KIA. Relaciona cu e protesta cu e trahadornan tabata tin ayera, a probecha di acerke mesora pa un entrevista y haya su comentario riba e protesta aki. Segun Emilio Geerman e no tabata sa mes cu tabata tin un protesta planea. E sa si cu tin tres punto di preocupacion cu ta existi na KIA. A indica cu e puntonan aki tin di haber cu e opleidingnan, e reorganizacion y atencion di gobierno.
Sr. Geerman a laga sa cu pa loke ta e organizacion, e coordinador di Minister di Husticia a traha un afspraak hunto cu P&O pa bay riba e raport di formacion cu tin den concepto.
Segun Juan David Yrausquin,
*MEP mester splica kico nan lo hasi den e situacion actual
ORANJESTAD(AAN): Durante conferencia di prensa di e fraccion berde, parlamentario Juan David Yrausquin a splica cu ex Minister di Finanzas Nilo Swaen di MEP no ta contento cu e dialogo nacional cu ta ser hiba. Tin hopi asunto cu mester haya atencion manera entre otro e problema di APFA, AZV y AOW, cu ta grandi. Yrausquin a splica cu Swaen ta hasiendo mal uso di e hecho cu tin cambionan cu tin cu tuma lugar.
*Huez no a haya un motibo obhetivo hustifica, pa permiti retiro di van Gellecum
ORANJESTAD(AAN): Diamars corte a duna su veredicto den e caso cu Instituto Medico San Nicolas (Imsan) a cuminza contra su director Trevor van Gellecum. Imsan a cuminza e caso pa termina e relacion di trabao, despues cu riba 5 di Mei 2010 Imsan a suspende van Gellecum.
Corte a tuma un decision temporal y a aplica articulo 429. A base di e articulo aki, huez a ordena ambos partido pa sinta cu un mediador di conflicto. Huez a pidi pa riba 30 di November a haya e resultado di e mediacion aki.
ORANJESTAD.(AAN):– Central di polis dialuna marduga den careda di tres’or, a dirigi un patruya na altura di e establecimento “Salt and Peper”. Riba e lugar di stacionamento un grupo di hende lo tabata bringando. Na yegada di e unidad, a busca informe relaciona cu e asistencia solicita y a resulta segun un of mas testigo, cu lo tin tres hende homber envolvi. Un di nan a wordo maltrata pa un hende muher. Consecuentemente un grupo di homber lo a bula aden y torno e homber en cuestion. Polis a acerca un homber di inicialnan J.F.N. naci na Brazil y e tin 30 aña. E brasilero a declara na e agentenan cu un muher a maltrate y despues diripiente un grupo di homber a atake y golpi’e.
Edmundo Marlin di SEPPA:
ORANJESTAD (AAN): Relaciona cu e protesta ayera na KIA, a puntra Edmundo Marlin, vicepresidente di SEPPA pa splica kico ta e problema cu tin cu henter e asunto di maneho na KIA.
Mas cu un biaha a yega di tende e keho aki. Pa hopi aña tin directornan a bin y bay y e keho riba e maneho ta keda mescos. Segun Edmundo Marlin, na momento cu e trahador no tin confianza den gerencia bo tin un problema serio. Si esey no worde regla y restableci back ta bay keda cu un problema ya cu e trahadornan no tin confianza den e maneho cu ta worde hiba door di e gerencia, a enfatiza.
ORANJESTAD (AAN)— Despues di un viahe hopi largo, e seleccion di ajedrez di Aruba a yega siman pasa Dialuna madruga na Khanty-Mansiysk, Rusia, unda e di 39 olimpiada mundial di ajedrez ta wordo organisa e aña aki. Cada dos aña e Olimpiada importante aki ta ser organiza y ta di cinco biaha cu Aruba ta participa cu un “Open team” y di dos biaha cu un team femenino.
Despues di e captain’s meeting riba dialuna anochi, tabatin e ceremonia di apertura spectacular cu a ser presencia pa mas di 5 mil hende, presidente di e region autonomo Okrug-Ugra, di cual Khanty-Mansiysk ta e capital, y pa e presidente di e Federacion Internacional di Ajedrez (FIDE). E ceremonia a ser transmiti vivo y directo na Rusia, unda cu 148 pais ta participando den e seccion “Open” y 115 pais den e seccion femenino.
ORANJESTAD (AAN)— Diabierna ultimo a tuma lugar e seminario bao di auspicio di Banco Central pa duna informacion encuanto e framework pa cu un ley cu lo bay regula e inversionnan internacional. Durante e presentacion di sra. Helen Halton ela shock e publico presente momento cu ela divulga cu durante e aña aki so Aruba a wordo aserca pa instancianan internacional den 7 diferente caso pa cu traficacion di hende muher pa cu prostitucion. Esaki ta condenabel y alarmante y ta daña nomber di Aruba internacionalmente mientras cu gobierno ta haci hopi esfuerso pa mehora e imagen di Aruba.
ORANJESTAD(AAN):–Diasabra ultimo malhechornan a kibra drenta den e cas di transmision di diferente radio emisora y television situa riba Hooiberg. Diadomingo a bay check y a descubri cu a horta airco, destrui airco cu awor no ta traha mas, a bay cu toolbox continiendo hopi tools y a comete actonan di vandalismo den e luga. Sinembargo, dialuna alrededor di 11or di mainta dos tecnico a subi Hooiberg pa drecha e daño y pa por controla tur mashin. Aki a bin topa cu dos individuo sospechoso net bahando for di Hooiberg. Un di e tecniconan a puntra e persona kico e tin den e tas cu e tabata bahando cu ne for di Hooiberg y el a contesta cu ta kwihi pa su cabrito.
ORANJESTAD (AAN): Diahuebs merdia minister di husticia y enseñansa mr drs. Arthur Dowers a bay pone su mes na altura di e situacion cu ta reinando na e edificio di Rijbewijs/Bizo y tambe na e edificio di Biblioteca Nacional situa den George Madurostraat. E mandatario ta lamenta cu pa motibo di e proceso burocratico cu tin den gobierno, na momento di cualkier renobacion, e situacion aki ainda no por a worde soluciona.
Minister di Turismo: Pa loke ta trata cantidad di vuelonan….
ORANJESTAD (AAN): Minister Otmar Oduber a tene ayera un conferencia di prensa y el a splica cu el a caba di yega for di un viahe di trabao unda a bishita e aerolineanan mas grandi cu ta sirbi nos pais. A señala cu durante e viahe aki, despues cu el a regresa di Hulanda, a bishita mayoria di aerolineanan grandi. Aruba pa excelencia tin 13 gateways, esta 13 aeropuerto na Merca di cual tin vuelo directo cu ta bin Aruba. Esaki ta un di e ventahanan grandi cu Aruba tin riba su competidornan, pero algun luna pasa, e aerolineanan a cuminsa reschedule ocupacion di avion pa e temporada nos dilanti (esta Fall y Winter).
Minister Arthur Dowers:
