Presidente di Parlamento drs.Paul Croes a haya e reunion di diaranson turbulento
Pero tog tabata satisfecho
ORANJESTAD (AAN): Presidente di Parlamento drs. Paul Croes a bisa cu e reunion turbulento den Parlamento riba cambionan di Statuut tabata uno bon concuri. “Esaki ta cas di pueblo. E caminda unda bo representantenan ta sinta. Na momento cu ta trata topiconan di interes halto bo ta haya cu un publico grandi ta asisti”, asina Presidente di Parlamento a comenta. Croes a haya cu pa gran parti e reunion a bay bon y aunke cu naturalmente e emocionnan tabata halto, su tarea como Presidente di Parlamento ta pa mantene ordo durante un reunion asina. E ordo cu mester worde mantene no ta solamente pa coleganan, pero tambe pa henter e sala.
Diaranson tabata e prome reunion riba e cambionan den Statuut cu ta cambia e structura estatal tanto pa Curaçao, Sint Maarten como e islanan BES. Un reunion di sumo importancia, asina Paul Croes a bisa.
Despues cu e ley aki a pasa Hulanda y Antiyas, awor ta toca turno na Aruba pa aproba of desaproba e ley cu a worde presenta na nos.
Un biaha mas Presidente Croes ta enfatisa cu e emocionan tabata halto, pero e nivel di debate tabata bon aunke cu tin algun miembro di Parlamento cu a bira emocional y a bay den historia pero otro coleganan tabata mas zakelijk riba e beneficionnan cu e cambionan aki tin pa Aruba.
Casildo Werleman
Paul Croes,bo a comete un eror di participa den es cortecia di Eman; cu no mester a mete cu es statut cu tei caba.Esun cu bo mester a pidi di saca afor ta Mike Eman. Es momento cu el a jama nel i su pardido pa ladron,??? I e cos mas tristo to cu Mike a cuminsa papia malo di nos defunto stima cu mester ta descansa den pas KI MISHI MIKE EMAN.”"COBARDE BO MESTER PAPIA CU UN PERSONA ora e ta na bida.E rubianonan lo no pordonabo hamas.