Home General Prome Minister Mike Eman ta felicita prensa awe riba nan dia

Prome Minister Mike Eman ta felicita prensa awe riba nan dia

0
0
SHARE
- Advertisement -

avpmikeemanORANJESTAD (AAN): Prome Minister Mike Eman ta manda palabranan di hopi felicitacion pa prensa awe riba nan dia. E trabao di prensa ta uno di hopi dedicacion. Un trabao cu Prome Minister Eman mes a yega di haci den pasado na 1986 ora cu su ruman Henny Eman a forma e prome gobierno di nos Status Aparte.
Trahando den prensa ta nifica trabao duro desplega door di hendenan motiva. Bibando den un estado di derecho ta duna nos e derecho di tin libertad di prensa.
Un derecho sagrado cu nos a haya danki na esnan cu a bay nos dilanti den luchanan grandi pa logra e derecho aki.

Awe nos ta celebra e dia aki un biaha mas cu hopi ardor, pensando riba esnan cu no por expresa nan mes sin haya nan mes den problema y riba otronan cu ta biba den agonia pa motibo di a expresa nan mes.

Nos na Aruba ta liber pa expresa nos mes, teniendo semper ta cuenta cu otronan tambe tin derecho riba privacidad y un bida trankil. Cu nos tin e derecho di expresa nos mes no kier men cu nos mester mishi cu e bida y privacidad di otronan. Esaki ta keda sagrado. Pabien na tur miembro di prensa awe!!!!

- Advertisement -

DUNA COMENTARIO

Please enter your comment!
Please enter your name here