Home General SPA ta lamenta cu e ta worde poni den luz politico

SPA ta lamenta cu e ta worde poni den luz politico

0
0
SHARE
- Advertisement -

Segun Guilfred Besaril,
ORANJESTAD (AAN): Diamars sindicato SPA a tene un conferencia di prensa, den cual a duna un splicacion riba loke a sosode durante e dialogo social. Presidente di SPA Guilfred Besaril a splica cu pa loke ta e acuerdo bilateral, ningun momento Sindicatonan den Union (SDU) a bay back na su miembronan. “Dialuna siman pasa den SDU loke nos a trata cu otro tabata e acuerdo social cu a worde firma Diabierna, unda cu nos tabata tin un problema caba cu e parti di AZV”. Esaki segun Besaril, kende a sigui bisa cu e acuerdo bilateral mes cu a worde firma for di Diahuebs, ningun momento so SDU a bin cune back di tal manera cu SPA por a hiba esaki pa su miembronan y bisa cu esaki ta un di e propuestanan cu Gobierno tin.
“Un propuesta cu naturalmente nos tin problema cune, pasobra nos ta bay hopi atras”.
“E prome medida ta cu bo ta bay di 55 pa 60, e di dos ta cu bo ta bay di ‘eind loon te midden loon, e di tres medida ta cu franchise ta worde hinca aden y e di 4 ta cu ningun caminda den e acuerdo bilateral si e ta trata di un ‘defined benefit’ of un ‘defined contribution’”

Esaki segun Besaril kende a bisa cu den e caso aki Gobierno ta responsabel y si algo bay malo cu e fondo, Gobierno mester responsabiliza su mes pa e fondo.

Besaril a sigui bisa cu SPA ta lamenta cu e ta basa su ponencianan riba cosnan cu tur hende por busca y haya informacion riba dje y asina mes SPA ta worde benta den luz politico.

- Advertisement -

DUNA COMENTARIO

Please enter your comment!
Please enter your name here