Home General Staten ta bay ricibi raportahe financiero regular for di Gobierno

Staten ta bay ricibi raportahe financiero regular for di Gobierno

2
0
SHARE
- Advertisement -

ORANJESTAD (AAN): Durante conferencia di prensa di fraccion di AVP, parlamentario Andy Lee a trece dilanti cu Dialuna den Staten el a mira un primicia, caminda cu a base di diferente preguntanan cu a worde haci encuanto e consecuencianan financiero pa pais Aruba pa loke ta e fondonan di turismo, Minister no por a duna garantia cu e fondonan aki lo no tin consecuencia financiero pa pais Aruba, pasobra tin riesgonan eyden.
Segun Lee, esaki por ta comprendible pasobra bo por haya bo den un situacion caminda cu esaki por tuma lugar. Staten a pidi Minister si pa e duna raportahe financiero regular, pa asina Staten asumi su responsabilidad como organo mas halto di nos pais, pa asina por haya bisa riba con e situacion financiero di e fondo ta andando.

Asina si algo por ta bayendo den un direccion cu no ta deseable, cu Staten mes por tuma accion.
Lee a bisa cu di e forma aki Staten ta asumi su responsabilidad di controla e poder di autorizacion cu e tin, pa mayan e no haya su mes cu sorpresa, cu e gastonan cu el a acorda a bira mas.

“Esaki tabata un primicia y nos ta contento cu Minister Otmar Oduber a haci uso di e oportunidad aki y a bay di acuerdo pa duna su aporte pa yega na raportahenan financiero regular.

Lee a bisa cu durante e tempo cu e tabata miembro di parlamento den oposicion, semper Gobierno anterior a duna raportahe financiero cabalmente na ‘Rijksministerraad’, pero Staten nunca a ricibi un raportahe financiero.

- Advertisement -

DUNA COMENTARIO

Please enter your comment!
Please enter your name here