Stop di haci politica barata y purba hunga cu sentimiento di pueblo!
Clarisca Velasquez na Evelin Wever-Croes:
ORANJESTAD (AAN): Mi a tuma nota den medionan di comunicacion cu e politico Evelin Wever-Croes ta practicando politica barata y bou nivel manera
ela bin ta haciendo cu e tema di cambio di statuut bisando cu un voto na fabor di e cambio di statuut ta traicion di nos pueblo. Traicion di nos pueblo na unda? No bin tira cos pa hunga cu sentimento di pueblo!!! bin cu argumento pa bisa di con e ta traicion di nos pueblo?
Awel ami ta bay splika pakico e cambio di nos statuut no ta bay afecta Aruba y cu niun rato so e ta traicion di nos pueblo manera e politico aki ta insinua!
Manera pueblo sa Reino ta bay conoce cambio den nos statuut pa cu e constelacion nobo cu e paisnan nobo den reino ta bay tin.
E proceso aki di e cambio di nos statuut no ta cos di awe pero for di dia 25 di november 2005 y 7 di maart 2006 na Ronde Tafel Conferentie cu tawatin entre e partnernan den reino.
Aki e gobierno di e tempo ey Gabinete Oduber IV a bay di acuerdo cu e proposicion pa cambionan den e statuut y e partnernan den reino a yega na otro cu lo duna e islanan e sosten huridico door di hulanda pa cu articulo 27 na momento cu Aruba ta pidi medegelding pa cu e tratadonan cu lo bay conta pa Aruba. Ademas ta Aruba mes ta esun cu ta pidi pa e tratado ta conta pe.
Gabinete Oduber IV a manda e proposicion di ley pa cambio di Statuut pa raad van advies na 9 di februari 2009 esey kiermeen
cu nan a bay di acuerdo cu e proposicion di ley paso nan no a haci niun cambio den e ley!
Awor diripiente ta contra e cambionan den e statuut! awor bo no por ta carni y pisca pareu.
Gobierno di e tempo a ey a haya e chance pa drecha loke nan no ta di acuerdo cune awor Evelin y su partido M.E.P. ta bin grita
cu nan ta contra e cambio di statuto!
Evelin ta pretende cu e ta e unico parlamentario cu ta comprende e materia. Mi kier splike, mescos cu un docente ta splica su alumno, den palabra chikito y poco poco cu na ningun momento so e cambio di statuto ta bay mina of kita e autonomia di Aruba!!
Ta di lamenta cu e parlamentario aki cu ta menciona cu tin parlamentarionan di AVP cu no ta comprende e materia mes no ta comprende e cambionan den e statuut. y te hasta ta falta respet di bin pretende di sa ken si sa of no sa e materia aki den parlamento.
Di con e fraccion di M.E.P. den parlamento di cual Evelin ta forma parti awor ta contra di e cambionan den e statuto y no ta para pa loke su gobierno a para pe.
Finalmente mi ta desea si e parlamentario aki envez di skirbi articulo baho y yama hende pa traidor duna splicacion na pueblo con e cambio di statuto ta bay afecta nos autonomia?
Cual te aworaki nan no a splica ni den parlamento ni na pueblo cu argumento valido con e cambio den e statuto lo ta bay afecta Aruba su autonomia!!
