Home General Ta keda straño cu MEP no kier sostene cambionan di Statuto

Ta keda straño cu MEP no kier sostene cambionan di Statuto

1
0
SHARE
- Advertisement -

avpandyleeSegun parlamentario Andy Lee,
ORANJESTAD (AAN): Andy Lee durante e conferencia di prensa semanal di fraccion di AVP, a comenta riba e statute y contenido di e reino nobo ora cu Antiyas desmantela. Segun e parlamentario, e reunion den parlamento riba statute ta un reunion publico pues tur hende por bay. Fraccion di AVP ta sostene e cambionan. Raad van Staten y Raad van Advies a indica cu e cambionan lo conduci na un mihor calidad. Esaki segun Lee, kende a bisa tambe cu e cooperacion cu lo bay tin riba e area di convenio lo conduci na un mihor garantia pa calidad y efectividad di ‘rechtshandhaving keten’.
Lee a bisa tambe cu fraccion di AVP ta haya frapante cu fraccion di MEP ta indica cu nan lo no sostene e cambionan aki. “Nos ta haya esaki frapante pasobra e concepto di ley aki, e forma cu e texto a worde haci y loke a worde presenta, ta resultado di deliberacion cu bo ta hiba como Gobierno”.

Esaki segun Lee, kende a sigui bisa cu ora cu a dicidi cu Antiyas lo bay desintegra y ta bay acomoda e entidadnan nobo den reino, a dicidi di biaha cu ta bay delibera riba con ta bay duna contenido na e reino nobo aki.

El a sigui bisa cu e tarea e ora ey ta di Gobierno di e paisnan pa delibera esaki. Den e cuadro aki Staten no tin ningun rol. Gobierno di Hulanda, Antiyas y Aruba y e islanan den Antiyas cu ta bay cambia, lo mester a sinta delibera hunto pa yega na un acuerdo.

Gabinete Oduber 4 a scoge di no kier participa. “Aki eigenlijk nos ta mira cu e resultado di e deliberacion ta manera cu e ta tambe”, segun Lee. Lee a sigui bisa cu diferente momento por a para e articulo 27.3 di cual MEP ta bisa cu e ta bay contra autonomia di Aruba y AVP no ta haya esaki.

“Den e documentonan cu nos a ricibi nos ta mira claramente un linia caminda cu na diferente occasion Gabinete Oduber 4 por a duna indicacion cu nan ta contra e articulo 27.3”.
Sinembargo nan no a haci esaki.

- Advertisement -

DUNA COMENTARIO

Please enter your comment!
Please enter your name here