Home Deporte Tribal Cycling Club ta anuncia su gran evento di MTB Xtreme

Tribal Cycling Club ta anuncia su gran evento di MTB Xtreme

2
0
SHARE
- Advertisement -

deportORANJESTAD (AAN)— Durante fin di siman tras di lomba, DIARIO DEPORTE tabata presente na Señor Frogs caminda a tuma lugar un conferencia di prensa yama pa Tribal Cycling Club. Na e conferencia aki nan a duna e detayenan di e evento di ciclismo MTB cu lo bai tuma lugar ariba Diadomingo 17 di October proximo. Durante e conferencia aki, Michael Stamper y Jairo Dania a hiba palabra pa duna tur e detayenan relaciona cu e competencia aki y Sr. Jesus “Chucho” Zendejas, Manager di Señor Frog’s Aruba, tambe a hiba palabra pa expresa e apoyo cu e compania aki ta dunando na e competencia aki y a la vez a invita henter pueblo di Aruba pa duna apoyo na e competencia aki y tambe pa mas hende por participa pa engrandece e deporte aki.

Aña pasa e tabata un exito rotundo e aña aki e ta bai ta e Sensacion di aña cu mas y mihor premionan pa tur categoria. Practicamente tur categoria e premio nan a bira double claro cu esaki no por a pasa sin e ayudo di e sponsornan.

E meta di Tribal Cycling Club ta pa sigui subi e premionan mas y pa asina nos por yuda e atleta cu kier bai participa na e caredanan den exterior pa logra esey. Esaki ta e careda cu e circuito di mas largo, 10.9 Km, mas tecnico y un dificultad halto.

Riba Facebook, TCC event, boso lo por wak potret di e HTH-circuit y e ajustacion tambe pa Catergoria Elite. Tambe lo por mira e Altitude graphic pa bo sa y prepara pa e ruta su challengenan. Cada Categoria segun nan criteria lo tin di haci nan vuelta of vuelta nan. E start/finish ta na e parkinglot na pia di Sero Jamanota.
Categoria Elite:

Ta core 34.7 Km cual ta 3 vuelta (2 x 11.9Km + 1 x 10.9 Km), compara cu aña pasa e aña aki nos a pone 1 vuelta menos pa nan pero cu un ajustacion di 1 Km extra cu ta visible riba e mapa. Teniendo cuenta cu e peticion di e atletanan nos a haci e ajustacion aki. Dus nan lo tin nan careda duro atrobe, pero alcansabel pa tur cu participa.

Sportive’s (Master y Sub-Master):
32.7 Km = 3 vuelta di 10.9 Km
Ladies Open Class: 21.8 Km = 2 vuelta di 10.9 Km
Youth Open Class: 21.8 Km = 2 vuelta di 10.9 Km
Beginners Men & Ladies: 10.9 Km = 1 vuelta di 10.9 Km

Tin premionan cash pa e promer lugar nan di e categoria nan: Elite, sportive’s y Ladies Open Class. Lo bai tin Trofeo cu diseño unico atrobe, Tribal Cycling Club trademark, pa e categorianan: Elite, Sportive’s y Ladies Open Class, den 1, 2 y 3 lugar. Medayanan cu diseño unico pa e categorianan: Youth Open Class, Beginners Men & Ladies (1, 2, 3)

Tin un premio pa e Overall di Sportive’s ( sea Master of Sub-Master)
Tin un premio nobo y unico pa promer biaha den MTB competitions pa e Overall Champion 2010. E premio aki ta wordo auspicia door di Tri-Bike Aruba. Y mescos e aña aki e Overall Champion di e aña anterior lo keda sali riba e poster di e careda tur aña. Esaki ta pa reconoce e ganador absoluto di e circuit aki, cu ta uno hopi exigente, cu ta merece di wordo reconoci.

E Overall Champion lo haya un poster regalo tur aña como recuerdo cu e tabata campeon e aña anterior. Tambe nos tin un recognition award pa un deportista/ colaborador na e deporte, mescos cu nos a reconoce Sr. Coffy aña pasa, nos lo sigui haci esaki tur aña y asina traha e Tribal Cycling Club Hall of Fame.

Otro premionan:
Week-end stays, 2 night stays, varios dinners for 2, cellular, iPod, Seiko Watch, Supplements. Premionan lo wordo entrega door di Hooter-Girls, compliments of Hooters Aruba
Seguridad:

TCC ta pensa riba seguridad di tur participante y door cu e circuit aki ta uno hopi extreme e aña aki nos a reserva no 1 sino 2 ambulance! Si en caso lo logra recauda mas fondo via registration, lo por busca un di 3 ambulance. Lo bai tin ambulance na: Start/Finish y na bahada final di Sabana Basora trail. Si en caso lo logra pa rekeri fondo suficiente pa un di 3 ambulance, lo pone na salida di Masiduri trapi conecta cu caminda di Sero Jamanota.

Esaki ta pa seguranza di tur coredor! Better safe than sorry! Valero Aruba Volunteers lo coopera manera semper pa guia y control riba e circuito. Sin voluntario no tin careda, pesey ta aprecia masha hopi mes cu semper nan tey cla pa yuda!

Registracion & Informacion:
October 1, 2010 na Urataka Center for di 7:00 p.m pa 9:00 p.m. Registracion ta sera October 15, 2010. Dia di evento tin check-in so, no ta tuma ningun registracion mas!
Lo bayuza borchi nan segun specificacionnan di UCI. Tur Regulacion y Reglamento pa MTB di UCI / AWB ta aplicable.

Nos kier a duna un Danki na Tur nos Sponsors nan entro otro Jet International, Aruba Airlines, Probody Supplements Aruba,Tri-bike, Colombian Emeralds International, Victoria bottling co., Hard Rock Café Aruba, SETAR, Tiara, Westin Hotels & Resorts, Marriott Aruba,Sr. Frog’s Aruba, Playa Linda Beach Resort, Peanuts Restaurant, La Trattoria El Faro Blanco Restaurant, All Safety Wear, Arulaser, Hooters Aruba, Valero Aruba Volunteers Foundation, tambe na Sr. CARLOS CENTENO ken a design e poster na promer lugar y na Sr. GERT van VLIET cu semper ta duna su aporte sin duda na nos deporte!!!

- Advertisement -

DUNA COMENTARIO

Please enter your comment!
Please enter your name here