Ultimo Ministeriele Samenwerkingsraad entre Aruba y Antiyas tumando lugar na Aruba
ORANJESTAD (AAN): Diaranzon net prome cu un di e reunionnan di Ministeriele Samenwerkingsraad (MSR) cu Gobierno di Aruba tin cu Gobierno di Antillas actualmente na Aruba, DIARIO a entrevista Prome Minister Mike Eman, pa haya sa mas di e reunionnan aki.
Segun Eman, e MSR ta a base di e acuerdo di cooperacion cu tin entre Antillas y Aruba den nos ‘samenwerkingsregeling’, Aruba y Antillas tin cu bin hunto.
Mitad aña esaki ta bao di presidencia di Prome Minister Antillas y mitad aña esaki ta bao di presidencia di Prome Minister di Aruba.
Uno a worde teni algun luna pasa na Antillas, caminda a acorda diferente punto cu mester a worde acorda relaciona cu e hecho cu Antillas ta bay stop di existi.
Esaki segun Eman kende a bisa cu ta bay bin dos pais nobo cu ta Curaçao y St. Maarten, tin asuntonan di pensioen unda cu por ehempel tin hende di Aruba cu tin placa den fondo di pensioen di Curaçao etc. y nan ta puntra si nan ta bay cay bao di e fondo di pensioen di Curaçao etc.
Tin preguntanan tambe riba e relacion aereo cu Aruba tin cu Antillas, Scheepvaart etc.
Relaciona cu e MSR, Prome Minister di Antillas ta na Aruba, hunto cu parti di su gabinete.
Esaki ta bay ta e ultimo Ministeriele Samenwerkingsraad entre Aruba y Antillas, pasobra dia 10-10 Antillas no ta existi mas. E tin un efecto historico cune y esey ta dune un dimension extra.
