Un anochi di elegancia pa Oriana su 15 aña
Elegantisimo y espectacular tabata e fiesta di diez cinco aña di Oriana Mansur cu a tuma lugar na Renaissance Convention Center.
E cumpleañera a yega e ballroom den limousine caminda el a wordo acompaña pa su tata Jossito Mansur pa drenta e mahestuoso sala di fiesta cu a wordo decora pa e guru Gareth Tromp, mientras cu Ronchi de Cuba a percura pa e produccion y Sra. Luisa a percura pa e bolo excepcional.
Hunto cu su damanan y cabayeronan di honor el a subi pista di baile caminda nan a presenta un bunita baile prepara pa e choreografo Charlaine Huntington.
Impresionante ta na momento cu Oriana a baila cu su tata e waltz “Blue Danube” di Johan Strauss, y despues a baila cu Prome Ministro Mike Eman e wals “Aruba” di Rufo Wever toca pa Padu Lampe y pa despues baila cu Dr. Gregory Lacle, su padrino.
E anochi tabata yena cu musica di e banda Prive, Exide y Youth Extreme, mientras cu lugar tabata magistralmente ilumina pa e luznan di High Performance.
Paola
hermosas…felicidades a la quinceañera y abrazos a mi compatriota Sandra de Mansur..