Home General “Lo mi mester adapta mi mes den cierto situacionnan”

“Lo mi mester adapta mi mes den cierto situacionnan”

3
0
SHARE
- Advertisement -

fiscalstempherSegun fiscal Lars Stempher,
*Fiscal Stempher tabata na cabez di investigacion riba atentado durante aña di La Reina
ORANJESTAD(AAN): Lars Stempher ta un di e fiscalnan Hulandes nobo cu ta bay traha na Aruba.
DIARIO a logra entrevista e fiscal y a puntre di su trayectoria. Mr. Stempher a splica cu na 2000 el a cuminza cu e RAIO opleiding y na 2005 el a termina esaki. El a bay traha despues como ‘Arondissementofficier’ na Zwolle. E tabata encarga cu diferente cartera, incluyendo casonan di inmoralidad, prensa y droga. Stempher tabata fiscal encarga cu futbol tambe durante un periodo y su experiencia tabata ameno.
El a haya un oportunidad e ora ey pa bay traha den e asina yama ‘landelijk parket’ cu ta encarga cu crimen organiza pisa internacional. Stempher a traha den un teal chikito di 4 fiscal cu principalmente tabata ocupa cu investigacionnan riba traficacion humano. Ora e vacatura a bin pa Aruba, el a pensa di aplica pa esaki.

El a splica cu algun colega di dje cu a yega di traha na Aruba den pasado a conte storianan asina bunita di Aruba, cu e tabata interesa. El a biaha pa Aruba na November cu su famia pa wak si e lo gusta Aruba y na momento cu nan a baha di avion na Aruba, e tabata convenci cu e lo kier bin traha na Aruba.

Entre otro el a gusta e hecho cu e temperatura tabata hopi dushi, compara cu e temperatura na Hulanda. Ora e tabata na Aruba e tempo ey el a haya un tour caba den O.M etc. DIARIO a puntra e fiscal kico e ta spera di traha na Aruba.

El a splica cu e ta spera di tuma cierto pasonan riba nivel personal. Segun mr. Stempher, door cu el a haci e opleiding di RAIO, e ta siña exactamente con ta traha na Hulanda, pero na Aruba bo mester siña otro maneranan di traha tambe.

Hendenan na Aruba ta bay om cu otro diferente y hende ta spera otro cosnan di bo. “Esaki nifica pami cu e ta un proceso di siña y lo mi mester adapta mi mes den cierto situacionnan”, segun Stempher.

Un caso impactante cu mr. Stempher a traha riba dje tabata e caso di e homber cu a manda su auto riba hende durante aña di la Reina 2009, matando 8 persona incluyendo su mes. Loke tabata remarcable den e caso aki segun Stempher tabata cu el a wak e cos sosode na television y un ora ey mey despues e tabata cu su coleganan na Warda di Polis, pa encabeza e investigacion.

Na e momento ey e motibo no tabata conoci pa cual e homber a haci loke el a haci y si tabata tin mas hende envolvi.

Pesey tur cos mester a worde investiga y 250 recherche a worde poni riba e caso y mester a atende cu e pregunta di ken por worde duna cierto informacion y ken no. El a bisa cu el a siña hopi mes di e caso aki y semper esaki lo keda cune.

Fiscal Stempher ta bay atende cu Oranjestad, e ta bay ta encarga cu atraco, traficacion humano, medio ambiente, douane, Guarda nos Costa y IASA.

- Advertisement -

DUNA COMENTARIO

Please enter your comment!
Please enter your name here