Home General “Mester haya un alternativa cu ta sostenibel, confiabel, adecuado, mas barata y...

“Mester haya un alternativa cu ta sostenibel, confiabel, adecuado, mas barata y limpi”

1
0
SHARE
- Advertisement -

avpmikedemeza1Minister Mike de Meza
ORANJESTAD(AAN)— Minister Mike de Meza den su discurso durante di e conferncia di Green Energy e siman aki, a mustra cu durante di e siman aki, a papia hopi riba futuro die ‘green energy’ y caminda a inicia cu accionnan decisivo aki na Aruba pa yega na un energia cconfiabel.
“Tur hende, henter mundo ta uscando un alternativa mas aceptabel, mas confiabel, mas adecuado y barata pero na mes momento mas limpi tambe,” de Meza a mustra.
El a sigiui elabora riba e situacion cu tin aki na Aruba, caminda nos ta depende hopi di productonan petrolero y cu e necesidadnan mas grandi, ta rekere uso di petroleo cu a conoce cambionan drastico den ultimo añanan.
Minister de Meza a sigui mustra cu na Aruba tanto e conversion di awa di laman den awa pa bebe, den produccion di electricidad, den transporte riba nos isla y hasta uso di gas pa cushina, ta depende grandemente di e petroleo y otro energianan cu tin cu wordo importa.

E problema mas grandi pa Aruba den ultimo añanan, ta sin duda algun e desaroyonan den e mundo petrolero caminda e prijs halto di petroleo a bin ta afectando tur desaroyo di nos pais.
Pa colmo tur cos ta indica segun Minister de Meza, cu ta anticipando cu prijs di productonan petrolero lo sigui subi na mediano y largo plazo, y cu lo afecta sin duda algun e desaroyo di nos pais.

El a duna un comparacion con den ultimo aña prijs di productonan petrolero a conoce aumentonan grandi di mas cu 300% y a alcanza nivelnan sin igual den historia.
E necesidad pa yega na alternativanan concreto, sostenibel y confianbel, ta mas grandi cu nunca y ta loke Aruba kier forma parti di dje, esta di ta parti di e solucion necesario aki, no solamente pa Aruba pero pa mundo henter.

Ta bon conoci e crisisnan di ultimo añanan causa pa uso di petroleo na medio ambiente, cu a bolbe fortifica e necesidad pa yega na un tipo di energia cu ta mas limpi, cu menos peliger pa nos atmosfera y cu ta pagabel pa tur hende.

Minister de Meza a elogia tur cu a participa den e conferencia di Green Energy di ultimo dianan, caminda ideanan a ser presenta y discuti pa di e forma aki yega na alternativanan concreto cu lo siribi interes di henter mundo.

Un iniciativa cu Gobierno di Aruba a asumi pa carga y cu sin duda algun lo ta inicio di un desaroyo sumamente importante tanto pa Aruba como paisnan den nos region.

- Advertisement -

DUNA COMENTARIO

Please enter your comment!
Please enter your name here