Home Hudicial 4 luna condicional pa a causa accidente cu a tuma bida di...

4 luna condicional pa a causa accidente cu a tuma bida di su casa

1
0
SHARE
- Advertisement -

JudicialORANJESTAD(AAN): Recientemente huez di corte superior a duna su veredicto den un caso contra Felix Y.R.A, despues cu e caso di apelacion a tuma lugar riba 16 di Augustus.
Ta asina cu F.A a wordo acusa di como chofer di un Celta, causa un accidente riba e cruzada entre Irenestraat y Julianastraat, cu a causa morto di su casa cu tabata sinta banda di dje den e auto.
E golpi di e accidente a saca e sra for di auto y el a dal su cabez riba beton, despues di cual el a fayece. Otro dos personanan cu tabata tin den e auto tambe a wordo herida.
El a wordo acusa di a core na un forma iresponsable y no a duna preferencia na un auto Ford Escort cu tabata bin for di banda drechi, causando asina e accidente. Felix A. tabata bao di influencia di alcohol.

Esaki a sosode riba 27 di Juli 2008. Den corte di prome instancia el a haya un castigo di 1 dia cu ta e dia cu el a sinta den detencion preventivo.

Ademas di esaki el a wordo condena na paga famia di e persona cu a fayece, e gastonan relaciona cu entiero cu ta 11.158 florin. Fiscal no tabata di acuerdo cu e sentencia di 1 dia y el a dicidi di apela.

E caso di apelacion a wordo trata den corte superior y algun tempo pasa huez a duna su veredicto. Huez a dicta cu F.A ta haya un castigo condicional di 4 luna. Esaki durante un tempo di prueba di 3 aña.

Ademas di esaki a pone un prohibicion di core auto riba dje di 18 luna, di cual 12 luna ta condicional. Pues pa 6 luna e no ta permiti pa core auto y si dentro di e tempo di prueba e persona comete un delito, e lo perde su rijbewijs pa 12 luna mas. Banda di esaki F.A tin cu paga famia di difunto esposa, 11.158, 70 cu ta gastonan di e entiero.

- Advertisement -

DUNA COMENTARIO

Please enter your comment!
Please enter your name here