Glenbert Croes y compinchinan den problema serio
ORANJESTAD(AAN): Un denuncia y acusacion serio ta loke un abogado Venezolano Carlos Ramirez a haci den direccion di Glenbert Croes ex minister y parlamentario Arubiano.
Esaki ta relaciona cu un tereno den Caracasbaai na Curacao cu nan lo a bende a base di un long lease.
Ya caba tin parce un pago di riba un miyon cu a bai na e grupo cual den nan Arubiano.
Ta papia di Glenbert Croes y Raymond Tromp di Aruba, tambe ta menciona nomber di politiconan di Curacao cual e Arubianonan te hasta a papia den nan nomber.
E abogado Venezolano a busca abogado di Aruba y abogado na Curacao pa represente.
Tin documentonan firma caminda Glenbert Croes ta e brain principal di henter e asunto aki.
Esaki sigur lo bira un golpi mahos pa Glenbert Croes un biaha mas cu ta keda haye den problemanan serio.
E abogado a menciona tambe nomber di Anthony Godett kende berdad ta un amigo personal di Glenbert y Glenbert mes a bai te na porta di prison pa buske dia cu el a haya libertad.
Abogado Carlos Ramirez a splica loke e grupo Arubiano aki ta haciendo ta un daño grandi na imagen di Aruba.
Nan a pasa como hendenan vincula na gobierno di Curacao.
Nelson Monte y un tal Chris Winkel tambe nan a menciona.
Stanley Loonman a firma e propiedad y e abogado a tilde tambe di ta meti den e estafa contra nan.
Pa mas cu un aña ta pidiendo e placa bek.
Te ainda e grupo Venezolano no a haya e tereno cu e grupo aki a priminti.
E Real Estate cu Glenbert a firma pe nunca a existi.
Un estafa hopi serio unda Glenbert Croes mester bai prison pe, segun Carlos Ramirez abogado Venezolano.
