Home Hudicial Casonan penal den Corte diahuebs

Casonan penal den Corte diahuebs

0
0
SHARE
- Advertisement -

JudicialORANJESTAD (AAN): Diahuebs na corte manera tur siman ta bay tuma lugar un cantidad di caso penal, na corte di husticia. E prome caso ta un caso den cual A.C.M. ta worde acusa di ladronicia di remedinan y/of alcohol di un botica y/of un persona den e periodo di prome di Juli 2008 te 21 di September 2008. Despues ta bay tuma lugar un caso den cual B.A.v.d.B, N.H.S., O.E.C. y G.P.S. ta worde acusa di tabatin sumanan di placa den nan posesion y/of a entrega esakinan, sabiendo cu ta placa procedente di e negoshi di droga den e periodo di prome di Mei 2005 te 11 di Mei 2006.
Tambe nan ta worde acusa di tabatin sumanan di placa den nan posesion y/of a entrega, cambia y/of uza esakinan, sabiendo cu ta placa procedente di e negoshi di droga den e periodo di 12 di Mei 2006 te 24 di September 2007.

M.R.K. tambe tin cu presenta dilanti di huez Diahuebs, debi na e hecho cu e ta worde acusa di a comete actonan sexual indebido cu un mucha riba 16 di November 2009

Despues ta bay tuma lugar un caso den cual A.T.B. ta worde acusa di importacion di cocaine riba 27 di September 2009.

Ultimo caso Diahuebs ta un caso den cual J.D.M.R. ta worde acusa di a destrui radio di auto di un persona riba 28 di Januari 2009, door di intencionalmente dal e radio kibra cu su mokete.

Tambe e ta worde acusa di a intencionalmente maltrata e mes persona aki riba 28 di Januari 2009, door di dal e un of mas biaha cu mokete na su wowo, door di cual e persona a resulta herida y/of a sufri dolor.

- Advertisement -

DUNA COMENTARIO

Please enter your comment!
Please enter your name here