Home General Castigo di 24 luna exigi, contra homber cu pone dede den parti...

Castigo di 24 luna exigi, contra homber cu pone dede den parti intimo di 3 mucha chikito

1
2
SHARE
- Advertisement -

JudicialORANJESTAD(AAN): Diabierna na corte a tuma lugar un caso, pa cual hopi hende a bin corte.
Ta trata di un caso den cual Jose A.R a wordo acusa di abuso sexual di tres mucha bao di edad di 12. Esaki lo a sosode entre prome di October 2009 y 20 di Januari 2010. E acusacion a bin dilanti ora cu pareha di mama di dos di e muchanan a tende e muchanan ta papia tocante e hecho cu J. lo ta mishi cu nan. E homber a conta mama di e muchanan y nan a conta e mama loke tabata pasa.
Nan tabata tin miedo di bisa nan mama, pasobra nan tabata kere cu nan lo bay haya sota.
E muchanan a bisa cu e homber di 76 aña tabata mishi cu nan parti intimo y tabata hinca su pink paden. Ora cu polis a puntra nan si e homber tabata hasie cu nan tur hunto nan a bisa cu no.
Un di nan a bisa cu e homber tabata hasie cune mainta, cu su ruman e homber tabata hasi mescos pero atardi y anochi e tabata comete e abuso cu e amiga di e muchanan.

Un di e muchanan a bisa cu e homber tabata uza Vaseline. E amiga na prome instancia a nenga cu J. tabata mishi cune, pero despues el a admiti cu e homber tabata hinca su dede den su parti intimo.

E tambe a bisa cu e tabata tin miedo pa conta su mama, pa miedo di haya sota.
Docter a examina e muchanan y a constata cerca un di e muchanan cu e vlies di virgen a wordo kibra.

Cerca un di e otro muchanan el a nota un marca blauw na su parti intimo. E homber a admiti for di un principio cu el a comete e actonan inmoral y manera e abogado a bisa huez den sala di corte, e famia na dado momento a tira piedra riba dje di rabia.

Na polis el a bisa sinembargo cu ta solamente cu e dos rumannan el a mishi, pero den corte el a bisa cu el a mishi tambe cu e amiga. El a bisa si cu ta solamente na e lies di e mucha el a frega vaseline, pero e mucha a bisa cu e homber a hinca su dede den su parti intimo.

Huez a puntra e homber si e tabata sinti su mes excita ora e tabata pone su dede den e parti intimo di e muchanan y el a bisa cu no. Huez a puntre e ora ey dicon e tabata hasie y el a bisa cu e no sa.

Huez a puntra e acusado si den pasado el a yega di comete e tipo di actonan aki y el a bisa cu no.
Sinembargo huez a mustra riba e hecho cu den pasado J. a wordo acusa di a mishi cu mucha chikito, pero cu el a wordo declara liber.

E rapport psicologico di J. ta bisa cu e psicologo a haya dificil pa determina exactamente si e homber tin cierto problema mental door di cual e ta comete e tipo di actonan inmoral aki.
E dificultad tabata pasobra e homber tabata tin hopi dificultad di contesta cierto preguntanan.
E psicologo a bisa si cu e chens ta grandi pa e sigui comete e tipo di actonan inmoral aki y cu e lo mester haya tratamento muy probablemente.

Huez a puntra e acusado si e kier wordo trata pa su problema y el a bisa cu si. Huez a puntre dicon e kier ayudo y el a bisa cu ta pa e stop di mishi cu mucha. Huez a puntra e dos mamanan como personanan perhudica si nan tabata desea di entrega un demanda y nan a bisa cu no.

Fiscal a trece dilanti cu e tipo di casonan aki ta casonan cu tur mayor tin hopi miedo pa sosode cu nan yiunan. E fiscal a menciona tambe un articulo cu a sali den Bon Dia den cual e maneho di O.M pa loke ta e tipo di castigonan aki a wordo critica.

El a bisa cu hopi biaha comunidad ta rabia ora cu un persona cu a wordo acusa di comete actonan inmoral wordo laga den libertad of ricibi un castigo abao, pero cu mester tene cuenta cu e hecho cu tur criminal tin derecho di wordo defendi.

Si un acusacion bin dilanti, ta deber di O.M pa persigui e persona, pero ta huez ta dicidi na final kico ta e castigo cu e persona ta haya. Den e caso aki fiscal a bisa cu tin suficiente evidencia pa declara J. culpable.

El a bisa si cu no ta idea pa pone J. di 76 aña sinta un castigo cu lo dura pa resto di su bida.
El a exigi un castigo di 24 luna.

Abogado A.S Kock representando e acusado a bisa cu si bo wak bon no ta corecto e manera con e famia ta permiti e muchanan cana den e cas cu solamente carson di abao bisti, siendo cu tin un homber bieu bibando eynan.

El a bisa cu su cliente ta diferente na otro abusadornan sexual, pasobra e ta mas pasivo y no ta un abusador cu ta cana rond ta busca victima tur caminda. Kock a bisa tambe cu e ta haya straño cu e mayornan no a ripara mas trempan loke tabata pasando.

Huez a interumpi defensa di e abogado un rato, pa splike cu mundialmente ta conoci cu victimanan di abuso sexual hopi biaha ta tarda hopi aña prome cu nan haya e curashi di bin dilanti y conta loke a pasa.

Actualmente na television tin hopi di e ehempelnan ey unda cu hendenan adulto a bin dilanti pa conta con hendenan a abusa di nan ora cu nan tabata mucha. E abogado a bisa cue ta haya e castigo exigi mucho halto.

Fiscal a bisa cu tin biaha ora cu defensa wordo presenta den casonan asina, tin cosnan cu ta bin dilanti cu ta fastioso pa e famia tende, pero den e caso aki fiscal a bisa cu bo no por culpa e mayornan pa laga nan yiunan cana rond cu tiki paña, mirando cu nan ta na un cas unda cu nan mester por sinti nan mes safe y mirando e calor, ta logico cu e muchanan lo por ta cana cu tiki paña. Huez a bisa cu e ta bay pensa bon y duna su veredicto dentro di 3 siman, riba 22 di October.

- Advertisement -

2 COMMENTS

  1. Mas bieuw mas experiencia mas sabiduria. Pero aki ta lo contrario. Imagina e ta bisa Juez “E KE AYUDO” ta nifica “E TIN PROBLEMA” 2010 y 2011 ora e sali tambe. Paso tin un dicho: Palo bieuw bo no por straight mas! Dus ni cuanto bo siñe e NO lo aplice. Bisiña y tur hende ey banda mester tene cuenta cune pa SEMPER.

  2. Has this 76 year old man been named publicly? He is a paedophile, not 1 but 3 children he took advantage of on separate occassions. How many more are out there?

    I wish these little girls and their families a lot of strength.

DUNA COMENTARIO

Please enter your comment!
Please enter your name here