Home General Choller lo a horta den bario y causa hopi disgusto

Choller lo a horta den bario y causa hopi disgusto

0
0
SHARE
- Advertisement -

PolicialORANJESTAD.(AAN); Tin cantidad di choller cu no a nace na Aruba y cu ta circula riba e pais aki. E ta keda un problema pa comunidad ya cu centenares choller local mes ta causa basta dolor di cabez. Te ainda ta asina leu pa ruim-op e grupo grandi cu ta circula den Oranjestad y tambe visibel na San Nicolas. Sin menciona mes distritonan cu tambe tin basta molester di adictonan.
Diahuebs central di polis a dirigi patruya di Oranjestad riba Klip. Supuestamente e choller di inicialnan B.S. naci na Hulanda di 32 aña ta circula den e bario cu paña bisti procedente di hortamento.
Polis a topa un homber cu a bisa di a wak B.S. ta cana rond cu paña bisti cu ta pertenece na su sobrino. Tambe a suministra polis informe cu e tercio B.S. mester ta den dos cas. A base di e informe, polis a bay controla un que otro pero nan no a logra localiza e tal B.S. .

Si a observa cu e cas ta yena cu paña, entre otro di baby, mucha y hende grandi. Casi por papia di un mini “department store”. Un rato despues durante patruya, agentenan a wak un señora ta observa y ta listra mey mey di dos baranca cant’i laman.

Polis no a “para wak”, pero a bira curioso pa sa ta kico e señora ta wak y listra. E agentenan tambe a bay tira un bista pa averigua un que otro. Ora cu polisnan a yega serca nan a bin descubri un “Cueba” den cual nan a localiza e choller B.S. y ora el wak presencia di polis el a sali afo.

E señora cu tabata na e sitio a bisa polis cu e paña cu B.S. tin bisti ta procedente di ladronicia.
Polis a detene B.S. hibe warda y el a wordo encarcela. Mas laat den oranan di atardi, e homber di inicialnan A.K. a acudi na warda di Oranjestad pa entrega keho di destruction den Mozart straat.
A.K. a declara cu entre 11 y 14 di october na diferente ocasion a wordo cometi destruction na su cas.

Hende a drenta horta den e cas y a bay cu diferente articulo. Segun informe suministra pa su bisiña, cu diferente hende homber a bin na e cas cu bat di baseball , kibra porta, bay paden.
Aparentemente e hombernan ta bisa di ta buscando e choller B.S. pa regla cuenta cune.
E caso denuncia aki tambe tin atencion tambe di polis.

Por conclui cu habitantenan lo ta disgusta y harta cu problema di choller cu ta horta nan pertenencia sin cu ta gara esnan of esun responsabel. Probablemente cu detencion di e choller sospechoso B.S. lo por tin un claridad cu e lo ta responsabel di denuncianan.

- Advertisement -

DUNA COMENTARIO

Please enter your comment!
Please enter your name here