Home General Den tur caso mester wak e circumstancianan prome cu exigi castigo

Den tur caso mester wak e circumstancianan prome cu exigi castigo

0
0
SHARE
- Advertisement -

fiscalpeterblankenFiscal Mayor Peter Blanken:
*Segun fiscal mayor, no ta asina cu e castigo minimo pa abuso sexual di menor ta 12 aña
ORANJESTAD (AAN): Durante un encuentro cu e fiscalnan nobo, DIARIO a entrevista Fiscal Mayor Peter Blanken y a puntre tocante e cantidad di fiscal cu tin awor den Ministerio Publico. El a splica cu actualmente O.M tin un fiscal Arubiano, uno semi-Arubiano pasobra e ta casa cu un sra Arubiano, tin tres fiscal Hulandes incluyendo fiscal mayor y awor tin dos fiscal Hulandes nobo. Tin un vacatura ainda y e intencion ta pa un Arubiano worde nombra pa e puesto aki.
Ora e fiscal aki worde nombra, e puestonan di fiscal lo ta yena. DIARIO a puntra kico su rol ta como fiscal mayor, pa loke ta e fiscalnan nobo cu a bin traha na Aruba.

Segun mr. Blanken, e ta purba pone e fiscalnan na altura di e diferencianan cu lo por tin entre e sistema di ley di Aruba y Hulanda.

O.M ta ser nan conoci specialmente cu e diferente seccionnan di Cuerpo Policial manera BIZO, Landsrecherche etc. Nan mester haya contacto tambe cu IASA y Douane. DIARIO a puntra fiscal mayor tambe su pensamentonan riba e hecho cu den comunidad hopi hende ta rabia, specialmente ora nan tende cu un persona acusa di a comete abuso sexual riba un menor, a haya un castigo relativamente abao.

Segun Blanken, O.M tey ta pa conduci e investigacion y ta responsable por ehempel pa duna e orden pa pone un tap etc. Fiscal a base di investigacion y informacion, ta trece su caso dilanti.
Fiscal por dicidi di no persigui un persona si no tin suficiente evidencia y e por persigui e persona si tin suficiente indicacion cu el a comete e crimen.

Esaki segun e fiscal mayor kende a sigui bisa cu den prensa ta Sali hopi critica contra Ministerio Publico y cu e critica aki hopi biaha ta inhusto, pasobra e fiscalnan ta haci nan trabao corectamente.

DIARIO a bisa fiscal mayor cu hopi hende ta rabia pasobra nan ta bisa cu apesar cu den ley tin castigonan halto pa cierto crimennan, toch fiscal ta exigi un castigo abao. Segun Blanken, si bo wak un caso specifico, bo mester evalua si bo tin cu duna e castigo maximo of no.

Hopi biaha fiscal no ta exigi e castigo maximo, pero tin casonan den cual si esaki ta e caso.
“Nos no conoce e sistema di castigo minimo”, segun Blanken. DIARIO a puntra fiscal mayor si ta berdad manera tin hende ta bisa den prensa, cu den ley tin para cu si un persona cu comete abuso sexual riba un mucha chikito, e castigo minimo ta 12 aña. Fiscal a bisa cu esaki no ta berdad.

Tur biaha ora un caso bin dilanti, ta compara e casonan cu casonan anterior y ta papia riba esaki.
E exigencia di castigo ta bin despues di evalua hopi aspecto di e caso. Mester wak e situacion entre otro y si e persona den pasado a haya su mes den problema cu husticia.

Mester wak por ehempel cuanto tempo e persona tabata haciendo e hecho castigable, si el a stop y si el a arepenti.

- Advertisement -

DUNA COMENTARIO

Please enter your comment!
Please enter your name here