Home General Edison Briesen tabata na altura y probablemente a conseha grupo Spaño pa...

Edison Briesen tabata na altura y probablemente a conseha grupo Spaño pa pone beslag riba Bushiri

1
4
SHARE
- Advertisement -

Grupo Trusam a haci loke Briesen a bisa for di siman pasa caba
ORANJESTAD(AAN): Diamars mainta Minister Otmar Oduber tabatin un conferencia di prensa caminda el a informa cu e grupo Spaño Trusam a pone beslag riba Bushiri y terenonan banda di dje, incluyendo tereno di waf di container. Pa algun luna caba Minister Oduber a bin ta basta activo pa por bin cu un cambio pa cu e ruina cu yama Bushiri Hotel cu ta cera pa e ultimo 5 añanan y riba cual e ultimo 4 añanan tabatin conversacionnan bou di Gobierno anterior, specificamente ex minister Briesen y Sr. Nel Oduber. E tempo aya e grupo di Fresnos cu tin e holding Trusam Group a gana un bidding pa desaroya Sol Melia na Aruba.
Tur hende sa kico a sosode den añanan cu a sigui caminda cu Aruba a perde miyones di entrada di e hotel cu ta cera, un hotel cu tabata un orguyo pa tur esnan cu a studia eynan, un hotel cu ta pertenece 100% na pueblo di Aruba.

“Awe mi ta hopi indigna pa mira con metanan politico ta bay asina leu cu bo ta prefera di castiga bo mesun pais, castiga bo mesun comunidad, castiga e futuro generacion di e pais aki pa sednan politico di mala fe cu ta tuma lugar den e comunidad aki”, Minister Otmar Oduber a duna di conoce.

Aki el a referi cu siman pasa por a scucha e ex minister encarga cu Turismo na Aruba papia, alerta y hasta tabatin e tribimento di bisa cu e ta spera cu loke e ta bisa no ta corecto, a sabiendas di loke tabata sosodiendo. Sr. Briesen tabata na altura y hasta probablemente a conseha e grupo pa warda te na e momentonan aki caminda cu Aruba tabata cla pa worde beneficia cu un proyecto di hotel di 5 strea, Hilton cu a tuma Bushiri over.

Ta parse cu Sr. Edison Briesen lo tin un bola di cristal caminda cu e por a mira henter e situacion di beslag aki cual a ser notifica na Minister Oduber dialuna 4 di october pa medio di un carta di e abogado di e grupo Trusam Holding. E carta aki a dreta 1 di october na Directie Wetgeving.

“E grupo ta haci exactamente loke Sr. Edison Briesen ex-minister di partido MEP a bisa siman pasa. Kiermen ta pone un beslag riba Bushiri Hotel y ta claim cu nan tin cierto derechonan riba e propiedad aki. Mala fe ta chikito y mi ta spera mi ta equiboca, pero si bo kier perhudica un pais asina aki keriendo cu ta e Minister di Turismo bo ta perhudica, bo ta totalmente equiboca”, Minister Oduber a declara.

E mandatario a haci referencia tambe na e mesun maniobranan aki cu Sr. Edison Briesen y Sr. Nel Oduber a haci den pasado. Ta trata di e caso di Urbina Fuentes caminda cu nan no a construi ningun hotel aki na Aruba, caminda cu tanto Sr. Briesen como Sr. Oduber a bay dilanti corte testigua contra Pais Aruba na ventaha di e grupo Urbina Fuentes.

Si esaki ta loke nan kier ripiti, Minister Otmar Oduber ta categoriza esaki cu e mesun palabranan cu den ultimo simannan exponentenan di MEP tabata yama tur esnan cu ta sostene e Gobierno aki den Parlamento.

- Advertisement -

4 COMMENTS

  1. E meneer Briesen aki a hasi suficiente danjo caba den e anjanan cu e tawata na mando. Un ganjado first class, parse cu esey lo ta ‘run’ den su family. E ta un berguensa pa Aruba y un sinberguensa tambe. Dia cu ela haya asina poco voto den ellection e mester a baha! Pero no, meneer ta pensa ariba su ‘pensioen’ y a keda sinta, awor ariba stoel di parlamentario. Edison Briesen, bo ta un politico fracasa! Mihor bo baha pa caba promer cu bo caba di caba cu nos isla! Bo no tin cuero di cara ni berguensa! Laga otro goberna y hasi loke abo no a lgra, paso bo no tin ni capacidad ni honestidad. Tuma placa bou mesa y amigo di convictonan labado di placa cu awor ta ‘run’ bushalte nobo. Hala un banda y stop di stroba nos pais di bai dilanti. Bastante danjo bo a hasi caba!

  2. E mester wordo investiga, pa asina tur su verdadnan sali na cla y cu Dios su poder esey lo sosede pronto…

  3. Stima mi Pais: Mi ta duna bo tur razon di zundra e persona cu bo ta jama sinberguenza. E Spanio nan a pone beslag ariba e tereno di Bushiri, e Gobierno di AVP por Nacionalisa e tereno ei i ponele bow mando di Aruba. Corda bon no cu na 1492 ora cu Alonzo de Ojeda, a discubri Aruba, ela ja Aruba “Una Isla Inutiel” si Aruba tabata inutiel e tempo aja pa Spania, e ta inutiel e tempo aki tambe. Ta bon nos a cai bow di Bandera Hulandes, God Dank. Pasobra awe Aruba ta mucho mas adelanta cu hopi Pais di habla espaniol. Che Que Va. Sargento Mayor Retira di United States Army: Pascual Ras Washington D.C. USA

DUNA COMENTARIO

Please enter your comment!
Please enter your name here