Home General Grupo di trabao a keda instala pa mehora imagen di ciudad

Grupo di trabao a keda instala pa mehora imagen di ciudad

0
1
SHARE
- Advertisement -

Pa un cara limpi y sin presencia di adictonan:
ORANJESTAD (AAN) — Den conferencia semanal di prensa di gobierno dialuna, Minister di Turismo señor Otmar Oduber a duna di conoce cu siman pasa a cuminza un proceso, den cuadro di mehoracion di e producto Aruba, bao liderazgo di Prome Minister mr. Mike Eman, unda gobierno a invita tur e stakeholders di nos industria aki na un encuentro. Esaki a abarca tanto e comerciantenan rond di ciudad como esnan cu ta haci limpi, D.O.W. Visibility Team, Cuerpo Policial, y tur cu ta envolvi den e tereno aki, pa mira con por mehora e producto y servicio cu ta bay tin riba nos Isla, den e temporada aki.
Un grupo di trabao a worde instala, cual ta bay percura pa no solamente organiza un trabao di limpieza den centro di ciudad, pero mas importante ainda ta cu nan a atende cu Visibility Team, bao liderazgo di Mando Policial, pa percura pa evita experencianan menos bunita pa e bishitantenan cu tin riba nos isla, y pa nan actua cu man duro y fuerte cu esnan cu normalmente ta purba di daña e permanencia di nos turistanan na Aruba.

Lo percura pa nan pasa nan estadia riba nos Isla na e mehor forma posible, segun e dignatario.
Den e reunion aki gobierno a atende cu un di e problemanan cu tin sigur ainda, cu ta e adictonan ambulante, cu ta cana rond y ta un molester no solamente pa nos hendenan local cu ta bishita nos centro di ciudad, pero pa nos turistanan.

E dignatario a acentua cu si gobierno kier bay haci tanto esfuerzo pa atende nos bishitantenan pa bolbe Aruba, e fenomeno di adictonan ambulante mester worde atendi.

Den e cuadro aki, den e encuentro aki tabata presente señor van der Straten, ken ta encarga pa e minister concerni di e proyecto di curatela, cu dentro di poco lo worde ehecuta, unda ya caba a manda un cantidad di 32 nomber pa Ministerio Publico y Huez, cu mester bay tuma un decision pa por busca e personanan aki y percura pa nan haya un ayudo obligatorio, cu ta na beneficio di e imagen cu gobierno kier perfila di nos centro di ciudad.

E mandatario a bisa cu e trabaonan ta worde haci na un forma continuo, y den e caso aki un di e rolnan importante ta e relacion di Aruba Cruise Tourism, gobierno di Aruba y Aruba Port Authority, atravez di e fondonan di mehoracion di nos producto di turismo, cual a pasa den parlamento.

- Advertisement -

1 COMMENT

  1. Mester cuminza cu stop entrada di droga, kk ta hasi cu esnan cu ta ofrece y bende droga na turistanan, e futuro chollernan y choller existente. E corrupcion riba e isla aki ta y lo keda un estorbo pa e imagin nobo di Aruba di Gobierno…

DUNA COMENTARIO

Please enter your comment!
Please enter your name here