Nel Oduber a firma despues di eleccion pa competencia contra Cable TV
Sindicato STT: Gobierno anterior kier caba cu Setar NV
ORANJESTAD(AAN): Hopi no por a kere nan oreanan awe merdia ora cu Presidente di Sindicato di Trahadonan den Telecomunicacion, esta STT, a denuncia e Gobierno anterior publicamente di kier caba cu Setar.
Un ke otro tin di haber cu e hecho cu
Nel Oduber como Prome Minister a firma
un consecion pa un compania competi cu Setar riba yamadanan internacional.
E denuncia aki a worde haci Diamars merdia “live” durante e noticiero di Top 95 FM.
E sindicalista a bisa cu e no tin tur informacion pero si e por bisa cu tin indicacion serio cu kier haci un atentado contra Setar NV.
Di acuerdo cu nos informacion, despues di eleccion, ora cu Gabinete Oduber IV tabata den estado demisionario, Nel Oduber a firma un concesion na Sr. Terence Lacle (riba nomber di su amiga) pa un “landing station” na Aruba.
Ta trata aki di un permiso special pa core un liña bou di awa pa Aruba. Te cu awor, Setar so tin dicho liña y ta conta cu un monopolio. Den pasado varios otro compania a haci tur sorto di intento pa haya un stacion asina, pero Gobiernonan semper a nenga pa proteha Setar. E hecho cu a core firma un concesion asina durante periodo demisionario ta lanta hopi interogatorio, mescos tambe ta lanta interogatorio si e concesion tin validez.
E sindicato STT ta sali na vanguardia di e trahadonan di Setar y sigur no a spera e trato aki di e Gobierno di Gabinete Oduber IV. Precisamente un Gobierno cu na un principio a para duro pa evita entrada di competencia riba tereno di celular, na su salida di su periodo di gobernacion ta opta pa kibra e monopolio di yamadanan internacional asina sin mas.
Cu e concesion awor aki bou di brasa, Terence Lacle lo por cuminsa un negoshi di yamadanan internacional of por ofrece comunicacion di data of internet via e mesun cabel aki. E por bira bende e consecion aki tambe cu un compania multinacional pa hopi placa pa asina uza nan infrastructura pa competi cu nos compania nacional di telecomunicacion, esta Setar.
Terence Lacle tabata meti den e compania DTH Communications cu despues a ser cumpra door di Digicel. Como cu Digicel tabata operacional caba na Aruba, nan a haya nan mes obliga na bende e concesion cu e compania EOCG cu ta opera MIO. E compania MIO nunca a logra lansa e servicionan di celular na Aruba y a bin haye den problema cu su financiadonan, esta e compania ATN cu na un dado momento a tuma e compania MIO over. Den e proceso e doñonan nobo a hala Terence Lacle un banda y na su luga a apunta Junior Croes como nan persona di confianza y cu awor lo lansa MIO di nobo riba nos isla.
Kico ta e plannan exacto di Terence Lacle cu e consecion cu el a haya Despues di eleccion, ainda no ta conoci. Hecho ta si cu e sindicato STT ta hopi disgusta pa e hecho cu Nel Oduber a kibra monopolio di Setar riba cabel internacional cu ta core bao lama y pa e forma con a core firma un concesion despues di eleccion.
007
e ta negatief pa setar pero mi ta kere un kos positief pa e arubianonan, kibramento di e monopolie kiermen jamadanan mas barata international.
Rene Naar
Cu partido MEP ta den un franca decadencia aki ta wordo confirma pa un hecho di tracion contra un compania Estatal cu tempo e ta den gobierno a manipula pa tin tur placa y tur control kiko ta drenta y sali pa oposicion no ni hik contra su gobierno e tempo ey. Poco dia atras a tilda nos prome Minister den nan butishi di shisheria pa ta un lunatico y awe ta sali na cla e atraco Orbital cu e mes a comete contra SETAR-Cable TV-TeleAruba. Bo por justifica un inversion di Tram di awg 150 milj cu un acto asina cu por laga SETAR perde mitar di su entrada ? SETAR ta un di e companianan cu ta trese mas sen den caha di gobierno, pesey MEP tin cu kibre. Si Andin tin Aruba na Pecho, e lo pone e ley di Cowboy un rato un banda, pa bringa y stop e cos aki.
Husticia awo!
E maligno di Nayostraat Ponton Atrobe cu su wega sushi, debido na falta di PRINCIPIO,…
Pero mi ta kere sí cu mester bin,…no uno so sino mucho mas COMPETENCIA contra Setar, pasobra Setar tanpoco ta miho cu e maligno di Nel Oduber, Setar tambe ta un explotador di Pueblo cu su mascarada di Compania di Pueblo, miho cos e Presidente di Sindicato di Trahadonan den Telecomunicacion, esta STT haci, ta saca e BALKI prome for di den su mes wowo pa e por mira miho con Setar ta explotando Pueblo cu su tarifanan mas halto cu HOOIBERG.
Otro pompado mas,…Presidente di Sindicato di Trahadonan den Telecomunicacion, esta STT no ta defende e ta defende e compania directamente, sino e ta conciente cu si bin mas compania di Telecomunicacion e bolo cu e ta gozando di dje awor aki ta bira chikito mañan!!!!
http://www.arubainjustice.com
http://www.koninginnlwatismensenrechten.com