Home General Prome Minister Eman cu palabra di elogio y solidaridad pa pueblo di...

Prome Minister Eman cu palabra di elogio y solidaridad pa pueblo di Chile

1
0
SHARE
- Advertisement -

ORANJESTAD (AAN) — Minister Presidente mr. Mike Eman a duna un mensahe relaciona cu e rescate di e 33 mineronan cu mundo henter a sigui di cerca den noticia, cu a keda atrapa den e Mina San Jose na Chile, pa varios dia. E mandatario ta mira cu admiracion tur e esfuerzonan cu a wordo haci pa rescata e 33 mineronan aki, pa nan por a sali sano y salvo di e situacion hopi penoso cu nan tabata aden. E dignatario a bisa cu e Presidente di Chile merece di un elogio grandi, pa su esfuerzo y mas cu tur, e forma con mundo henter a sigui e desaroyo aki, ta duna hopi speranza pa e calidad humano cu nos universo ta dispone di dje ainda.
“ Hopi bez nos ta preocupa cu e norma y balornan, cu e sentido di amor pa prohimo, si e tey ainda suficiente fuerte pa bisa cu nos ta duna humanidad e contenido cu nos Creador ta desea pa nos dune, y ora bo mira con mundo a sigui di cerca pa no un tragedia, sino un logro y milagro humano, naturalmente bao guia y inspiracion di nos Creador, ta duna hopi speranza tambe pa e calidad humano cu mundo ta dispone di dje”, e dignatario a reitera.

El a agrega cu tanto interes pa e bida di 33 persona, con leu cu nan por ta, ta mustra cu e sentido di amor pa prohimo ta fuerte danki Dios ainda, den e curazon di humanidad. “ Un palabra di felicitacion na e pueblo di Chile y sigur un palabra di solidaridad na e famianan cu a pasa den momentonan di tanto angustia, pero cu awe tin nan sernan keri hunto cu nan, braza nan, y forma nan bida cu nan, y sigur drenta un Pasco hopi alegre. E palabranan aki den nomber di pueblo di Aruba pa e pueblo di Chile”, Prome Minister mr. Mike Eman a expresa.

- Advertisement -

DUNA COMENTARIO

Please enter your comment!
Please enter your name here