Home General Prome Minister Mike Eman tras di stuur di nuna4 y Greenchoice riba...

Prome Minister Mike Eman tras di stuur di nuna4 y Greenchoice riba L.G.Smith Boulevard

13
1
SHARE
- Advertisement -

mikeauto1ORANJESTAD(AAN):E auto cu ta core riba energia solar Nuna4 desaroya dor di studiantenan di TU Delft bou supervision di Prof.dr.Wubbo Ockels y cu a gana e World Solar Challenge na Australia riba 26 di october 2007 ta na Aruba actualmente.
Esaki debi na e Green Energy Conference cu a resulta di ta un exito total.
E studiantenan di TU Delft entre nan e hoben Arubiano Javier St.Jago y e pa Aruba masha mima Ivo Hagemans di Corsow ta aki pa haci un demonstracion pa e comunidad di Aruba y specialmente pa e hobennan cu tambe kier sigui den e direccion aki.
Diadomingo pa 5’or di atardi e Nuna4 lo core for di Convention Center pa Palo Marga pa eynan riba e pista eynan haci algun careda.

E auto cu ta core riba hydrogeno GreenChoice tambe lo ta na Palo Marga pa haci algun careda y kibra record mundial.

E auto Nuna4, pero tambe GreenChoice tin un velocidad enorme. GreenChoice lo no core bai Palo Marga, pero lo wordo hiba riba un flatbom y por wordo aprecia banda di caminda tambe.
Para banda di caminda grandi den oranan lat di atardi pa wak e auto Nuna4 zum pasa bai.
Un experiencia unico. No perde!

Diabierna anochi tambe e caminda riba L.G. Smith Boulevard dilanti di bestuurskantoor a wordo sera pa trafico.

E conferencia riba energia tabata e atraccion principal e dianan cu a pasa. Diabierna anochi prome minister Mike Eman a subi tras di stuur di Nuna4 y tambe GreenChoice.

Varios hende tabata para pa mira e prome mandatario maniobra bai bin mas cu un biaha cu ambos vehiculo. Uno cu ta core riba awa y otro riba energia solar.

- Advertisement -

1 COMMENT

  1. Mike, Nel a manda bisa cu e auto ey ta core riba electricidad illegal, e no ta paga brandstofclasule, sino e no tin permiso por core riba Aruba.

DUNA COMENTARIO

Please enter your comment!
Please enter your name here