Home General Reunion fructifero cu tour operators trahando na waf

Reunion fructifero cu tour operators trahando na waf

0
0
SHARE
- Advertisement -

Hunto a aproba un tarifa di 20 dollar pa cabez…
A anuncia test di droga pa tur esnan den transporte publico
ORANJESTAD (AAN): Diamars atardi tabata tin un reunion masha fructifero mes na DOPV. Gobierno a haci un yamada na e tour operatornan ta un encuentro. E siman cu ta bin e temporada halto di cruseronan ta cuminsa. Pesey mes gobierno tabata desea pa duna e bon nomber di Aruba su contenido cu yudanza di tur hende. No ta un secreto cu entre e operadornan di busnan turistico tin basta problema. Paden di waf tin un grupo y pafor tin un grupo di operador cu ta cuminsa cu un prijs y na final ta baha e prijs te na suela pa yena nan bus prome cu otro. Esey so no ta e problema. Pafor tin un caos total cu e paramento di e busnan of vannan cu ta bay busca turista.

For di mainta nan ta para e bus of ta coy lugar wardando mainta habri cora tin crusero ta bay drenta waf. Tur e mal paramento aki ta stroba e salida di vehiculonan for di waf. Hopi biaha polis mester a bay pone ordo.

Un reunion manera esun cu a sosode diamars tabata mas cu necesario. E operadornan a topa y hunto cu minister Otmar Oduber a intercambia y cuminsa yega na un solucion.

A keda dicidi cu lo cuminsa cobra 20 dollar pa cabez. Antes e tabata cuminsa na 20 y caba na 8 of 7 dollar te hasta. Tin cierto tour operator cu no por baha te na vloer asina cu nan prijs. Minister Otmar Oduber a bisa cu ya caba a fiha un lugar unda e busnan lo bay para.

E busnan lo haya un number segun nan yega waf. Den un forma bon regla lo zorg pa uno pa uno nan sali y bay cu nan pasaheronan. Unda e tanki grandi di Valero ta y cu tin algun kiosco lo ser drecha pa acomoda tur e busnan.

Por a mira cu den e reunion aki tabata tin un tipo di union y na mes momento a keda palabra hopi cos na bienestar di e operadornan mes.

Minister Otmar Oduber a splica tambe cu e control di DOPV lo tey pa asina evita cu ta desvia di e prijs cu a keda palabra. Algo cu tambe a bin dilanti ta e test di droga cu lo ser aplica pa tur e operadornan cu ta traha cu turista. E lo bay conta pa otronan tambe trahando den mesun ramo. Si ta bon entrante prome di November caba tur cos palabra lo ta cla pa cuminsa.

- Advertisement -

DUNA COMENTARIO

Please enter your comment!
Please enter your name here