Home General Ta bay renoba e cas di Gobierno na Hulanda cu Edwin Abath...

Ta bay renoba e cas di Gobierno na Hulanda cu Edwin Abath mester biba aden

4
3
SHARE
- Advertisement -

Cabez a cuminsa lora na Aruba Huis
ORANJESTAD (AAN): E weekend cu a pasa a drenta un email via e adres di un tal Carmen Croes. E email adres aki casi sigur ta uno traha y falso. Via e email adres aki a ser manda un articulo skirbi casi perfecto sin eror. Hunto cu e articulo aki a bin tambe un contrato di huur di un cas na Hulanda. Esaki ta cas cu Edwin Abath minister plenipotenciario na Hulanda a huur pa algun tempo mirando cu e cas di gobierno di Aruba na Hulanda ta den mal condicion. E cas aki a ser laga den mal estado. E tabata tin mester di un renobacion prome cu Frido Croes a sali for di dje. E tabata parcialmente habitable pero su condicion tabata malo. Esaki ta algo cu Frido Croes mes a duna di conoce den un combersacion prome cu el a bandona su posicion.
Mientrastanto e cas no a worde drecha ainda y ta pendiente. Pesey mes un lugar pa Edwin Abath y famia tabata necesario. E contrato di un aña tin un clausula cu e por worde kibra tambe. Tur esey ta depende con liger e cas aki worde renoba.

Biniendo back riba e caso mes por bisa cu un hende den Aruba Huis a saca e contrato y haci mal uso di dje. Parce cu den Aruba Huis tin hendenan di AVP cu a sali for di Aruba sosteni pa algun compinchi biba na Hulanda cu kier busca manera di haci bida di Edwin Abath imposible.

No ta prome biaha cu nan ta busca manera di pinte malo. Edwin Abath como un hende trankil no ta busca manera di persigui hende. Asina mes tin cierto grens ora bo ta pusha un tiki dimas cu cierto acto.

E contrato y e articulo a worde manda pa diferente media. Naturalmente na Hulanda un hende mester paga pa un acto asina. Pa cuminsa esun cu a saca e contrato aki pa duna hende ta e prome responsable.

Diamars tin un investigacion haci den direccion di esnan cu lo tin algo di haber. E dosnan cu tabata tin algo di haber sigur ta un tal Oslin T y Steve J. E prome cu ta Oslin lo a acerca Steve pa saca e contrato for di den file.

Oslin ta practicamente sombra di e directora di Aruba Huis. Di con posiblemente el a pidi pa e contrato cu despues a sali den media na Aruba no ta conoci.

Steve J a haya trabao algun tempo pasa for di un familiar di dje cu tabata Frido Croes. Despues cu gobierno di MEP a bay cas, AVP a mantene na trabao a peticion di e famia cu a papia cu e gobierno actual. E tabata un bon trahador pero aki si el a faya. El a faya y pa colmo Oslin T a lage cay tambe.

Parce cu Steve a admiti di a saca e contrato y duna Oslin un copia. Ora cu a confronta ambos den oficina, Oslin a nenga rotundamente di a pidi y haya e contrato for di Steve.

Ta dificil kere cu Steve ta gaña riba Oslin. El a bay haci esaki y consecuencia ta cu awe Oslin ta nenga di a pidi of haya algo di Steve. Steve a worde suspendi na Aruba Huis mientras cu Oslin a haya un advertencia na trabao. Steve ta esun cu a sali perdedor di loke a sosode y a worde usa.

Aunke ta pensa kendenan ta tras di henter e acto aki, tog no por prueba esaki. Ta mesun grupo cu algun luna pasa a saca informacion di e auto tambe cu Aruba Huis a lease como embahada.
Tristo pa mira con e propio AVP ta come otro den Aruba Huis na Hulanda dunando gobierno un imagen negativo. Na Aruba gobierno ta trahando fuerte y pasobra tin hende den Aruba Huis cu no ta gusta e minister plenipotenciario ta haci tipo di actonan asina.

- Advertisement -

3 COMMENTS

  1. Arubiano ta come arubiano. Bo no por confia ni bo sombra mas awendia. E gobierno actual ta hanja su mes ta defende cada paso, biento y cada rosea cu e hala, ja cu nan ta worde vigila di serca,pa esnan cu nan ta kere cu ta cu nan. Anjas largo ta tin hende riba payroll cu no ta presenta mes na trabao of ta cana hasi importante, a bira miljonario riba custia di pueblo. E gobierno anterior ta rondea pa e gobierno nobo hasi un fout pa nan bula riba nan. Ora cu bo no por kere cu echt tin hende drechi cu bon voluntad pa traha pa Aruba y no pa nan mesun sako, nos lo sigi hanja situacionan desagradabel asina aki. Cu Dios boso dilanti nada por kibra bosonan.

  2. Nunca Oslin Trimon no tawata AVP. Si no ta MEP of Ola e tawata. Pero ki mishile den stadhuis… kiko e ta hasi of ki e la studia pele pa ta traha den embahada di Aruba. E la baha cu VUT di gobierno hopi anja pasa caba, kiko e ta hsi atrobe den gobierno. E hende nan cu a baha cu VUT minister no mester tuma nan mas. Enbes di duna e personanan cu a bai studia of esnan cu si tin e capacidad y studia y cu ta biba na Hulanda un trabow den nos embahada di Aruba, anto Desiree ta duna Oslin. Kiko e ta hasi eyden of kiko epor hasi canta mariachi so. Pika pa tende con hende manera e persona aki nada no ta suficiente pele. Y awor un hende di MEP mester haya su castigo y e Oslin no door cu no tin prueba. Si no tin prueba anto e Steve tampoko no mester wordu geschorst. Ban ta serio MEP, AVP, cual partido cu ta… pa Aruba nan ta traha no e pa e partido nan.

  3. Minister kier biba bon riba custia di pueblo,kier kos pornada i ta humilla profesionalnan den nan funshon. E no ta sirbi komo minister ta sweet voice i talker e ta. Na hulanda e ta tuma tur hende drechu hasi. Ojo pueblo su razia di derochi di seng no a kaba ahinda!

DUNA COMENTARIO

Please enter your comment!
Please enter your name here