Ta sinta critica tur hende pero awor cu un Santa Cruzero por haya un bon posicion
Ken por compronde e hendenan aki…
Esaki tampoco no ta bon pa MEP!
ORANJESTAD (AAN): E ultimo dianan aki algun hende di MEP ta sinta grita yora na nan media cu e gobierno actual ta super malo y cu nan no ta sirbi. Te hasta ora cu un rumor falso a worde lansa mey mey di e aña aki di parti di e mesun hendenan aki liga directamente cu MEP, cu sr Lysander Besselink como vocero di gobierno lo worde movi y poni na DTZ, entre otro Nel Oduber y otro integrantenan di e partido geel a bula lanta. A cuminsa critica gobierno cu kier kita Lysander Besselink for di e puesto djies paso e ta St. Cruzero. Awor sr Lysander Besselink su nomber atrobe ta den publicidad y e biaha aki ta cu posibelmente e lo bira director di e planta di television cu ta TeleAruba.
Diripiente e mesun personahenan cu a sinta grita y critica gobierno algun luna prome pa un supuesto movemento di puesto di sr Besselink, awor a draai 180 grado y bisa cu esaki no ta bon. Nos por compronde cu den e dia nan aki e biento sa bira y cu kisas nan mentalidad tambe ta bira pareu cu e biento, esey lo keda como un pregunta. Hecho ta si cu por mas cu esaki ta unicamente un rumor cu a worde crea pa algun hende ignorante y jaloers.
Tog mester agrega cu mayoria di e trahadornan di TeleAruba mes ta hopi positivo cu e idea aki y esaki no ta algo cu nos a inventa. Tin basta di e trahadornan cu a expresa esaki y parce cu henter e rumor aki tabata e topico di siman den TeleAruba, maske cu tin algun di e trahadornan cu ta cana tur spanta den e planta.
ra.pabill
E ta un Santa Cruzero, transforma den un traidor di su pueblo humilde y ta luchando contra idealnan di e gran Santa Cruzero difunto Betico