Home General TOPA ta un berguensa pa sindicalismo di Aruba

TOPA ta un berguensa pa sindicalismo di Aruba

8
3
SHARE
- Advertisement -

topa1Welga general di Topa a hala casi 40 manifestante
Ni e miembronan a sostene Rene Bernabela
ORANJESTAD(AAN):— Berguensa ta un palabra mucho grandi ainda pa loke Rene Bernabela a haci cu sindicalismo diabierna mainta. El a usa prensa skirbi, scucha y mira pa asina purba convence hende subi caya masalmente pa exigi gobierno revoca e acuerdo bilateral.
Rene Bernabela y algun di esnan rond di dje tin algun dia caba mal informando hopi hende trahando den sector publico. Tin cu a bai busca pa sa mas leu y a realiza cu loke Rene Bernabela ta haciendo ta mas bien busca fama pa su mes of haya miembro pa sindicato TOPA.

A yega ora pa Rene Bernabela bisa realmente cuanto miembro e tin. Despues di e berguensa cu el a pasa aden diabierna mainta el a core bai purba colga na sindicato SPA cu ta un sindicato fuerte.
SPA a hera cay den trampa di Topa.

Topa kier a bai usa e forza di SPA pa yega na gobierno despues di e ridiculez cu nan a comete diabierna mainta.

Prome minister corectamente a splica Rene Bernabela cu ta e mes a bandona mesa di negociacion.

Un hende cu antes tempo cu miles di empleado publico a subi caya pa falta di oido di gobierno, Rene Bernabela no a kere den manifestacion y a bai corte unda huez a pone para straight.
Awor cu gobierno mes a yama tur hende na mesa Rene Bernabela esun cu ta kere cu e ta mas sabi a bandona mesa.

Awor e ta yora pa bin bek na mesa.
E por warda awor pasobra ta un grupito cu ni sikiera ta su miembronan a bin sostene Topa pa logra sera 35 pa 40 hende.

Rene Bernabela mester saca su conclusion pasobra su expresion no ta yuda ni su mes corda pa e fondo di pension cu ta den un problema asina serio. Spera cu esaki keda un les pa Topa.

- Advertisement -

3 COMMENTS

  1. Awa durisimo a stroba e manifestacion, Senjor Diario ami cu mi familia completo mes no por a bai, pero keda pendiente e proximo manifestacion lo ta colosal

  2. No mester 100 hende pa manifesat si un mes manifesta pa su derecha y logra esaki 40 hende tambe por haci y logra pa e otro 3000 cu tin iedo di habri nan boka pero kier bai cielo si. Pabien Topa cu Bo tin coreha toch di bisa y lucha pa Bo derecho y di e otronan cu no ta durf habri nan boko!

  3. Mike a pone e lider di Topa, topa cu su realidad, di Rene Bernabela e la pone per direct ” Rene Pagabobela ” e mesun polisnan a core nan tur di ey dilanti.

DUNA COMENTARIO

Please enter your comment!
Please enter your name here