Un grupo considerable di nos hobennan a cay den problema di droga y criminalidad
Segun Minister Dowers, nos comunidad tin un problema alarmante y preocupante:
ORANJESTAD (AAN) — Riba tereno di Husticia, Minister mr.Arthur Dowers a declara den conferencia di prensa, por cierto basta extenso, cu e ultimo añanan masha poco por a tende ta ken ta responsable di e situacion cu nos pais ta aden aworaki. Esaki pasobra pa e gobierno aki ta mas importante pa mira con ta bay soluciona e problemanan cu nos ta confrontando aworaki.
E dignatario a nota si, cu di parti di oposicion si ta tira falta riba ken of cual, y e ta pensa cu si nan kier haci politica, anto por bisa cu si tin hende of gobierno culpable, anto mester culpa e gobierno cu a baha cu ta esun di MEP, pa tur e problemanan cu tin na Aruba, den materia di Husticia.
Pero esaki no ta yuda ningun hende cu nada ni ta relevante, pero si e ta kere ta importante pa realiza cu e caminda cu nos comunidad ta bayendo ta alarmante y preocupante, cu tin di haber cu e manera con a atende cu no solamente nos hobennan den sociedad, pero cu nos comunidad en general.
Minister Dowers ta relaciona por ehemplo, e hortamento cu ta sutando nos pais, cu consumo di droga den nos comunidad. Por mira aumento di uso di droga cerca nos hobennan, y esaki ta worde constata tambe door di tur e rapportnan cu tin. Ya caba den rapportnan bieu cu ta data di 15 pa 20 aña pasa, ta worde adverti cu si no tuma e pasonan corecto aki nos ta yega.
E dignatario a comenta cu ora hobennan den edad hopi jong ta usa droga, nan lo mester na dado momento yega na medionan financiero pa cumpra nan droga, y hopi biaha, mayornan cu ta responsable no ta duna nan yiu placa pa haci esaki.
Y si ta mayornan ta den e vicio nan mester di placa pa mantene esaki, y hopi biaha nos hobennan aki, por bay den criminalidad, hortamento y otro actonan no corecto, ora nan a yega na debenan financiero.
Segun e dignatario e hecho cu tin un grupo considerable di hoben den nos comunidad cu a cay den e mundo di droga, of criminalidad, mester ta un indicacion fuerte, cu mester haci algo pa ataca e problema y pa un periodo largo.
Nos NO por Punta Dede
Ya e baca a hoga te cu ela bolbe hoga y lo sigi hoga, si NO haci EXACTAMENTE loke nos ta yama pa hasi. Y nos No por sigi punta dede riba otro ni siquiera riba e bendedonan di e droga mes mas, paso nos sa masha bon, cu nan tambe ta yen di problemanan. Nos tur aki riba Aruba cu tin un tiki tino mes, por reconose cu NOS SO NO POR HACI NADA MAS. NADA pa cu e situacionnan cu ta yega na cada porta di cas of gobernantenan. Niun di nos ta SUPERHEROE! E UNICO SOLUCION TA ► DIOS. Paso pa siglonan caba ta E tawata e solucion y areglo di TUR COS. Ni ciencia no por cu nE. Ainda nan ta buscando difirente cosnan y NAN NO POR HAYA TUR. Pero No! Mayoria di nos ke solucion facil y semper nan NO ta duradero. Y berguensa ta MATA nos pa bisa cu DIOS TA TUR COS y E SO POR SOLUCIONA TUR PROBLEMA Y busca SU AYUDO. Pesei mes tambe hopi cos lo bai sigi pasa asina y bira cada dia pio. SIMPLEMENTE pa nos ORGUYO di NO KE ACEPTA CRISTO DEN NOS SYSTEMANAN. Wel nos consenshi lo keda remorde y djei nos lo bai morde djente paso nos mes a busca. Y tur ta haya, hasta esnan cu a purba haci bon tambe. Paso nos tur ta un! Y ta den UN solo curpa y spirito nos mester ACTUA! No un grupito so y e resto ta sigi haci malo y sea ignorante. Pesei tambe ban STOP DI PUNTA DEDE y wak nos mes prome ki nos ta bezig cu ne.
Husticia awo!
Politikonan mester ta “SINCERO” cu nen mes, y laga BLABLA blabla pa cacho nan (HONDEN)
Tanto AVP bieu di Jan Hendriek (Henny) Eman, MEP di Nelson (Nel) Orlando Oduber, Defunto OLA Glenbert Croes, defunto PPA BENY Nisbeth y Ministerio Publico (Husticia) Havenstraat y e asina jama Ordo di Avocado ta e uniconan responsabel pa e desaster cu Aruba ta pasando aden (verrot) y no solamente den DROGA, ladronicia, e Mega Poblashon, e alto grado di CORRUPSHON, Violashon di Derechonan Humano, Violencia contra e sexo debil y un cantidad mas di porkaria cu a y ta tumando lugar na Aruba, (especialmente e fechorianan Nelson (Nel) Orlando Oduber y gang Corrupo a caba di desgracia Aruba. !!!
Carlos Severino Tromp
http://www.arubainjustice.com
http://www.koninginnlwatismensenrechten.com