Home Editorial 30 aña como e number 1!

30 aña como e number 1!

0
7
SHARE
- Advertisement -

jossy_mansur_pic                For di e momento cu e matutino aki a mira luz di dia, el a acapara e posicion number 1 entre tur e medionan skirbi, local y di exterior, y a mantene durante 30 aña! Y no solamente esey, sino cu di acuerdo cu nos estadisticanan, cada aña DIARIO tabata aumenta su circulacion riba e aña anterior te yega na e cifra record di 23.000 ehemplar pa dia! Y e no ta inclui e corant na Ingles, ARUBA DAILY, pasobra nos no ta manipula cu cifranan pa aparenta cu nos ta mas grandi di loke nos ta! Nos circulacion ta fiho y creciendo keto bay!


                  DIARIO a sali den e momentonan cu Aruba tabata pasando den hopi turbulencia; confrontacionnan politico tabata fuerte mientras e lucha pa independencia tabata tumando lugar; Betico tabata un di e apoyadornan mas grandi di DIARIO, y viceversa. Hunto nos a enfrenta enemigonan grandi di e causa, y na final a vence pasobra razon tabata na nos banda. Na final, Hulanda a concede Aruba e Status Aparte cu e tin awor.

                    Djey padilanti, e crecimento di DIARIO tabata vertiginoso. Cu e mihor ekipo di redaccion den henter e area aki, nos a impone un estilo di periodismo moderno, optando pa no sconde nada pa Pueblo. Kico cu tabata sosode cu tabata di su interes, nos a cubri pe, y loke no tabata cumbini nos isla nos a combati cu tur nos forza. Ta den e proceso ey cu DIARIO, Aruba y e Pueblo di Aruba a bira uno, cu un solo meta nos dilanti: e bienestar di nos isla y di su habitantenan.

                    Tur medio di comunicación ta consisti di diferente departamento, y nos tin e suerte di por conta cu lo mihor disponible riba un isla asina chikito. Awe mi ta expresa mi gratitud profundo na tur e personal di administracion, distribucion, impresion, fotografia, y mantenimento, ademas di e otro integrantenan di nos empresa cu ta ocupa funcionnan importante den e aspecto global di nos corant.

                 Mas cu nada otro, mi kier agradece e Pueblo generoso cu a apoya nos for di un principio, y cu ta sigui sostene nos incondicionalmente. Ta danki na su lealtad nos por a supera diferente obstaculo cu a ser poni gratuitamente den nos caminda. Tur e mal deseonan di Nel Oduber pa caba cu DIARIO, y di esnan cu el a influencia pa sigui su trayectoria di odio, a topa cu e muraya di boluntadnan cu no a laga ningun hende, y menos ainda un mediocre manera Nel, dicidi pa nan kico nan por y kico nan no por lesa. Durante ultimo eleccion, Nel a bay asina leu di garantiza su hendenan cu e biaha aki si e ta bay cera DIARIO, pasobra e tabata confia den su victoria. Pero, e masa enorme di lectornan di DIARIO a dicidi otro. Y ata nos aki, cumpliendo 30 aña di existencia y bayendo pa hopi mas!

                  Pa loke ta nos sponsernan, un danki enfatico pa nan respaldo y nan fe den nos matutino. Consciente cu loke sali den nos paginanan ta ser lesa pa mas di 50 mil lector, nan ta haci nan inversionnan den propaganda unda e tin efecto y ta rindi mas, o sea den DIARIO. Danki di curazon!

                 Despues di a traha tanto aña hunto, ta husto pa mi duna un reconocimento personal na Nilton, Yubi, Aureen, Robbie y Django, sin ningun menosprecio pa e otronan. Mayoria di nan ta cu mi for di un principio. Nilton, Yubi, Aureen y Django tin mas cu 30 aña banda di mi den e noble tarea di saca un matutino serio y ecuanime, pero tambe combativo ora e necesidad di hacie surgi. Mi ta sintimi orguyoso di ta parti di un ekipo asina talentoso, y ta roga pidi Dios forza y boluntad pa continua cu e tarea di informa nos Pueblo manera debe ser di tur e acontecimentonan cu ta tuma lugar riba nos isla.

                  Danki un biaha mas na tur nos lectornan, nos sponsernan, nos personal y nos colaboradornan. Dios bendiciona nos isla y nos Pueblo!

- Advertisement -

7 COMMENTS

  1. Mi mas cincero congratultion na DIARIO, un corant netamente ARUBANO. Cu ta mantene e Pueblo di Aruba al minuto cu tur noticia di momento. Ni maske cuanto NAN a purba di dania Diario su nomber, NAN a keda bon equiboca ja cu Arubano nan a escoje e corant cu ta print e BERDAD, NO mentira. Keep going Diario you are the BEST. Sargento: Pascual Ras, US Army retired. Washington D.C. USA

  2. Mi kier a feliciteer directie y personeel di diario,y desea e corant aki hopi mas exito den futuro,diario ta Aruba,Aruba ta diario.

  3. Palabranan di pabien na e Director y staf completo di DIARIO cu nan 30 ANIVERSARIO. Sigui asina y cumpli mas añanan sirviendo n’e comunidad rubiano paden y pafo di Aruba.

    Tilio Reátegui
    Nederland

  4. Pabien Diario, hopi hopi aña mas di existencia. No worry mi tambe no ta pela un bonchi kinchoncho cu Nel, e ta mescos cu Capetou, sera y scur, pero e no kier bay. Boso kiermen cu Yubi tambe a hasi 30 aña of ta su by-side. Wak con Filo ta bai batie cu palo ora e yega cas.

  5. Most naturally you guys at Diario are rating yourself to be no. 1
    I’ve got news for you: To be number one in anything, you have to be almost perfect or error free (correct) in whatever you do:

    Here is one of your article’s heading of today’s issue.

    See if you can find the problem

    ” Laron a menza hoben den cas di lo hinke cu screwdriver ”

    This is not the first and only time, you got things wrong, my friends.

    Maybe you will rethink your thoughts about being number one.

    I’m sure that there is another editorial that is more accurate with their work, right here in Aruba.

  6. Diario !!!!!! Tur dia….e parti mas great ta cu hasta Edmomd croes, diario ta su corant favorito….diario tur dia!!!!

DUNA COMENTARIO

Please enter your comment!
Please enter your name here