Home General Abogado de Hoogd ta bisa cu aparentemente Banco Central a drumi durante...

Abogado de Hoogd ta bisa cu aparentemente Banco Central a drumi durante 17 aña

1
1
SHARE
- Advertisement -

interbankDen caso Stanford International Bank:
*Abogado di BC ta indica cu ta mustra como si fuera de Hoogd ta ‘stroman’ pa hendenan misterioso
ORANJESTAD (AAN): Diamars DIARIO como unico medio di prensa tabata presenta na corte, unda cu a tuma lugar continuacion di un caso entre ‘Stichting Stanford Aruba’ y Banco Central di Aruba. E proceso entre e dos partidonan a cuminza for di basta tempo caba, unda cu varios documento a worde intercambia entre e partidonan y huez di corte di husticia.
Diamars tabata e dia pone pa e caso worde trata. Ta asina cu Stichting Stanford Aruba ta un fundacion lanta pa un grupo di alrededor di 25 persona perhudica door di Stanford International Bank (SIB).

Na 1992 Stanford a acerca Banco Central di Aruba pa e haya un licencia como banco, pero esaki a worde nenga. Via un otro caminda el a logra bira activo riba mercado di Aruba. E banco tabata ofrece interes halto (9% y mas), pa hende deposita nan placa.

Hopi hende a haci esaki y na 2009 ora cu SIB a cay den otro, hopi hende mundialmente a perde sumanan grandi di placa. Na Aruba tambe esaki tabata e caso pues y en total hendenan riba e isla a perde alrededor di 35 miyon dollar.

Abogado Gabri de Hoogd a representa Stichting Stanford Aruba (SSA) den nomber di e alrededor di 25 persona perhudica. El a trece dilanti cu henter e organizacion di Stanford ta den estado di bancarota y no ta cla ainda si esnan perhudica lo ricibi compensacion pa loke nan a perde.

El a bisa si cu loke ta sigur ta cu nan lo no haya 100% di e placa cu nan a inverti. SSA a cuminza e caso contra Banco Central, pasobra segun SSA, un di e rolnan mas importante di Banco Central ta pa ehecuta supervision y control riba actividadnan di banco y di otro instancianan financiero, segun e LTK, cu ta Landsverordening Toezicht Kredietwezen.

E abogado a trece dilanti cu como tal Banco Central mester por a actua na tempo durante e 17 añanan cu Stanford a opera na Aruba, pa asina evita loke a sosode.

Banco Central pues mester tene un bista riba tur instancianan monetario di cual e actividadnan lo por tin un influencia riba e stabilidad monetario y reputacion financiero di Aruba. De Hoogd a splica cu Banco Central tabata na altura cu algo no tabata bon cu Stanford International Bank.

Segun e abogado, prueba di esaki ta cu den Amigoe di Aruba a Sali un articulo riba 19 di Februari 2009, den cual tin para cu Banco Central pa añanan largo tabata preocupa riba Stanford.
De Hoogd a bisa cu en vez di haci algo, Banco Central a drumi durante di 17 aña y door di esaki varios hende na Aruba a worde perhudica financieramente.

Pesey SSA ta buscando un compensacion di parti di Banco Central, pero esey lo mester bin dilanti den otro procedura. Banco Central a worde representa pa abogado Allart Haasjes kende a bin for di Hulanda y el a worde asisti pa Mr. Anthony Carlo.

Banco Central su punto di bista principal ta cu e peticion di Stichting Stanford Aruba mester worde declara no admisible. Segun e abogado, Banco Central no por worde poni responsabel pa e actonan di Stanford International Bank.

Banco Central no a duna Stanford e permiso di opera como banco. Haasjes a cuestiona tambe e hecho cu De Hoogd ta bisa di representa un cantidad di hende cu ta parti di e Stichting, pero te ainda ningun hende sa ta ken ta tur e personanan den e stichting.

Segun e abogado Hulandes, ta mustra manera de Hoogd ta actua como ‘Stroman’, pa un grupo di hende cu lo tin cierto motibonan scur pa no duna informacion di nan mes, incluyendo informacion financiero.

E abogado a bisa tambe cu ta posibel cu un procedura ta worde hiba na corte den nomber di hende cu no ta existi. Haasjes a bisa tambe cu SSA no a trece dilanti na un manera cla, den ki sentido Banco Central lo a faya y kico Banco Central por a haci.

El a trece dilanti tambe cu Banco Central no tabata tin e autoridad di actua contra Stanford International Bank. Huez na final a bisa cu e ta bay duna su veredicto dia 26 di Januari.

- Advertisement -

1 COMMENT

  1. First of all, the legal representatives of Banco central is absolutely right about the obscurity in the representation of de Hoogd. Who is he representing and why the lack of transparency.
    I think that de Hoogd just wants to make some easy money, whether he wins or loses and he knows that.
    SIB was a bogus company from the beginning and their request to operate as a bank in Aruba was turned down by BC.
    The people that got “burned” by Standford, in my opinion, the greedy people, certainly had a dark reason to use SIB. Besides 9% is always too good to be true and they should have known that. Maybe they were too busy trying to stash their dirty money away from where authorities could trace or locate anything about it. They deserve the financial punishment. I think that if they really believe that they can get some of that money back, then their only hope is to go to Antigua, where they sent that money to. There was an official of the SIB illegally channeling the money from Aruba to Antigua. de Hoogd should occupy himself with that official and leave everybody else in Aruba alone.

    Besides, the court should bar an attorney from bringing such crooked cases to the court.

    Maybe BC should have concerned themselves more about SIB still setting up shop here in Aruba, after getting a thumbs down to operate locally.

    Who knows what the real truth is.

    When you’re G R E E D Y, you will pay a price for something!!

DUNA COMENTARIO

Please enter your comment!
Please enter your name here