Home General Accion contra Valero ta un factor cu a induci Gobierno instala un...

Accion contra Valero ta un factor cu a induci Gobierno instala un Management team na SIAD

0
0
SHARE
- Advertisement -

Por deduci for di declaracion di Minister de Meza:
ORANJESTAD (AAN) — Minister Mike de Meza, titular di Finanzanan, a splica den entrevista cu DIARIO, cu for di dia cu Gabinete Mike Eman a drenta den gobernacion, na aña 2009, for di November caba, e ta den contacto cu su departamentonan. El a bolbe menciona e situacion cu SIAD, y por saca afo cu e accion cu e departamento a tuma contra Valero ta un di e factornan cu a induci Gobierno, na suspende dos funcionario halto, y pone na nan luga un Management Team pa guia e departamento.


En general, pa loke ta concerni comunicacion cu su departamentonan, Minister de Meza a bisa cu no ta tur ora, e como minister, por sinta na mesa cu tur director y trahador, pero sigur for su oficina esaki ta sosode.

Minister de Meza a menciona cu e ta hopi druk como Minister di Finanzanan, Telecomunicacion, Energia, Utilidadnan, APA y Lotto pa Deporte cu tambe ta cay bao di su cartera. E tin algun consehero cu ta asisti su persona den esaki, y semper na un forma of otro si no ta e mes ta su conseheronan ta sinta cu e directornan di departamento.

Y si tin cualkier pregunta of inkietud nan por acerca su oficina, y tambe por tin comunicacion por escrito y nan ta haya contesta. El a subraya cu si tabata tin cierto momentonan cu e comunicacion cu Departamento di Impuesto tabata hopi dificil.

El a referi, por ehemplo, tempo cu a surgi discusion relaciona cu Valero, locual a laga un smak amarga atras te cu aworaki.

Esaki a sosode na momento cu su persona, como Minister di Energia, hunto cu Prome Minister tabata na mesa negociando e carta di entendimento y e “Settlement Agreement” cu Valero, na beneficio di interes general di nos pais, lamentablemente na cierto momento SIAD a tuma un direccion, cu pa gobierno tabata inexplicable, y totalmente contrario na loke gobierno kier a logra, unda cu diripiente nan a cobra impuesto na Valero, treciendo cune un disturbio bastante serio den e relacion entre Gobierno cu Valero, yegando na e Settlement Agreement.

Esaki ta algo cu e mandatario a mustra e director di Belastingsdienst tempo cu e problema a surgi, y el a expresa hopi cla, cu e manera di actua di SIAD no tabata aceptable, y sigur contrario na e maneho cu Gabinete Mike Eman ta hiba.

E no tabata husto ni corecto y gobierno a keda hopi desapunta cu e accion cu e departamento a hiba den e caso aki, pero tabata tin mas caso cu a sosode, cu despues e lo drenta den mas detaye.
Esaki ta motibo pa cual gobierno a haya prudente pa pone un Management Team den Departamento di Impuesto, y pone e dos personanan menciona no activo, y investigacionnan lo wordo haci den SIAD.

- Advertisement -

DUNA COMENTARIO

Please enter your comment!
Please enter your name here