Home General Casonan penal na Corte awe

Casonan penal na Corte awe

0
0
SHARE
- Advertisement -

ORANJESTAD(AAN): Awe na corte ta bay tuma lugar diferente caso penal. Prome ta bay tuma lugar veredicto den casonan contra E.M.B, J.C.G y H.V. Despues ta bay sigui cu tratamento di e casonan. E prome caso ta un caso Pro forma. Ta trata di un caso den cual O.L.T. ta wordo acusa di, conhuntamente cu un otro of otronan, ladronicia di un laptop y/of otro pertenencianan di un scol den e periodo di 30 pa 31 di Augustus 2010. Despues ta bay tuma lugar un caso den cual S.E.M. ta wordo acusa di importacion di marihuana riba 14 di Juli 2010.
R.G.C. tambe tin cu presenta dilanti di huez awe, debi na e hecho cu el a wordo acusa di, conhuntamente cu un otro of otronan, ladronicia di scooter di un persona riba 13 Juni 2010.
Tambe e ta wordo acusa di, conhuntamente cu un otro of otronan, a comete violencia publico contra algun persona y obhetonan riba 13 di Juni 2010

Despues D.J.J. tin cu presenta tambe dilanti dim mesa berde di corte di husticia, door cu el a wordo acusa di exportacion di cocaine riba 15 di Juni 2010.

Despues lo trata un caso den cual G.M.P. ta wordo acusa di a menaza un y/of dos persona cu un crimen contra nan bida y/of maltrato grave y/of maltrato cu arma riba 31 di Maart 2010.
Tambe e ta wordo acusa di ladronicia cu violencia den un minimarket di un boter y/of un pechi na luna di April 2010.

E violencia tabata encera cu el a saca un cuchio y a zway cu ne y a corta e doño di e minimarket cu ne na su braza.

Penultimo caso awe na corte ta un caso den cual A.R.K. ta wordo acusa di a intencionalmente exporta un cantidad di cocaine riba 17 di September 2010.

Ultimo caso awe ta un caso den cual M.M.G. ta wordo acusa di a intencionalmente exporta un cantidad di cocaine riba 17 di September 2010.

- Advertisement -

DUNA COMENTARIO

Please enter your comment!
Please enter your name here