Home Politica Den Gobierno aki tin un competencia sano entre contratistanan

Den Gobierno aki tin un competencia sano entre contratistanan

0
0
SHARE
- Advertisement -

Ministro Sevinger:
ORANJESTAD (AAN): Durante conferencia di prensa, Minister Benny Sevinger a papia tocante proyecto di Linear Park y e destaho publico entre contratistanan pa haya e proyecto aki.
Segun Minister si un proyecto a worde balora na 9 miyon y un contratista por trahe na 5 miyon y riba dje bo kier haci ganashi, bo ta puntra bo mes ta ki sorto di contratista ta bay haci esey. Contrario na loke tabata sosode den pasado, na unda un proyecto tabata worde balora na 4 miyon y Gobierno anterior tabata duna e contratista na 10 miyon, e ora por papia cu lo haci ganashi riba dje, y esey a sosode den gobierno anterior!


Den Gobierno actual, na momento cu un proyecto ta worde balora na cierto suma, ta percura pa busca e contratista cu ta ofrece e mihor prijs, sin kita calidad. Minister Sevinger a remarca cu tur destaho cu tabata tin den aña aki, tur tabata mas abao cu e prijs balora pa gobierno. Esaki ta mustra cu tin un competencia sano entre e contratistanan.

Y no manera den pasado, na unda tabata duna un prijs mas halto di loke a worde balora. Awo un contratista mester bid realmente cerca di e prijs pa nan por haya e trabao.

Minister Sevinger a bisa cu e tipo di bid aki ta crea un competencia sano pa e pais, na unda un dia un contratista ta gana, y e otro dia no, y si nan no gana, nan mester ahusta nan prijs, y wak pa nan ta den e siguiente bid, y purba di gana esaki.

E Gobierno aki ta traha den forma serio y esaki ta loke nan kier demostra den e proximo añanan, ora cu tur proyecto cuminsa.

Tin hopi proyecto cla pa cuminsa, y algun a cuminsa caba, manera Corte, Watertoren, aki algun siman Linear Park ta cuminsa, embeyecimento di waf a cuminsa, Caya Grandi ta progresando, San Nicolas y schoolnan tambe ta proyectonan grandi riba lista.

Minister Sevinger a agrega cu si un contratista ta interesa pa bid riba e proyectonan aki, nan mester cuminsa prepara pa haci nan ofertanan, kiermen zorg pa e prijs ta skerpi, y si esaki ta esun di mihor, no ta keda nada otro cu cumpli cu e trabao.

- Advertisement -

DUNA COMENTARIO

Please enter your comment!
Please enter your name here