Home General Den weekend a cuminsa investigacion grandi riba kaak cu diente haya na...

Den weekend a cuminsa investigacion grandi riba kaak cu diente haya na Beach di Phoenix

0
1
SHARE
- Advertisement -

PolicialPolisnan a sali pa Hulanda cu material pa investigacion
ORANJESTAD(AAN):Un investigacion masha grandi mes a cuminsa diabierna for di momento cu dos turista Mericano a haya un kaak cu diente riba dje riba e beach banda di Phoenix Hotel.
Aki ta trata di un kaak parce di hende blanco y hoben segun un investigacion cortico cu lo a tuma lugar. For di fuentenan policial DIARIO tin bon informacion cu dos miembro di cuerpo policial a sali pa Hulanda caminda eynan lo bai haci investigacion profundo.
Ainda no kier specula pero ya caba hopi ta pensa cu por ta restonan humano di un persona cu tabata perdi.

Hopi ta pensando mesora riba Nathallee Holloway pero esey ainda mester bai wordo proba cu e resultado di labotarium na Hulanda. Diabierna despues cu a descubri e kaak a cuminsa investigacion anochi mes. Parce cu tabata tin vigilancia.

DIARIO mes a mira polisnan lora bai direccion di ex strandpolitie diasabra marduga.
Esey kiermen cu e area tabata ser cuida. Den dia diasabra testigonan a bisa cu nan mira atrobe autoridad ta investiga den e area.

Nan lo tabata mira si tin mas pieza di resto humano cu e turistanan a haya.
DIARIO a bai tira un bista tambe despues den e area y a mira cu berdad e lama tabata basta bruto eybanda y a come basta di e beach.

Di un of otro forma e lo a coba e santo y saca of benta restonan humano riba e beach.
Hopi turista y local ta gusta cana den e area.

No ta conoci si polis a bai busca conseho local cerca expertonan. Polisnan mes a tene e caso aki hermeticamente sera pa evita cu e noticia por plama. Ya caba pa dialuna mainta e dos oficialnan cu a bai Hulanda cu e material ta yega y e kaak lo ser investiga den tur profundidad.

Aunke ta ser papia cu por ta un kaak di un hoben, por bisa cu eybanda tambe tin indiannan dera.
E resultado di e kaak ta importante pa tende kiko esaki lo ta.

- Advertisement -

1 COMMENT

  1. E hendenan aki ta full fout, ta Nel a perde su djente falso un paar di dia pasa na lama eybanda, ola bruto a spoela su djente foi su boca pa tur e palabra insultante cu e tabata grita nos pueblo : Boshoo a wakkkk, boshoo a wak, hastaaa mi djenteee ma perde cu boshooo awooorrr.

DUNA COMENTARIO

Please enter your comment!
Please enter your name here