Dos caso di intento di ladronicia na Seroe Blanco
ORANJESTAD (AAN): Diadomingo ultimo patruya Oranjestad a bay atende dos caso relaciona cu intento y ladronicia cu kiebro na Seroe Blanco. Tabata den transcurso di mainta central di polis a ricibi yamada di un señora di inicial S.G. y el a reporta intento di ladronicia. Patruya di polis a worde dirigi na e residencia y agentenan a atende e homber di e señora. E homber a splica polis den careda di tres o di marduga, alarma a activa, consecuentemente el a lanta pa averigua un ke otro pero no a constata nada particular. Pero den transcurso di mainta, el a descubri cu kozijn di bentana di sala tabata benta riba vloer. Un biaha mas el a controla si intrusonan a drenta horta den cas of pafor pero e no a sinta falta di nada.
Mientras e mesun mainta patruya a bay na un otro cas den cercania. Aki tambe doño cas a declara cu alarma tambe di nan a activa den careda di tres or di marduga.
Nan tambe a lanta pa hiba un control y a keda constata cu no tabata tin nada. Pero den transcurso di mainta a bin descubri cu dos glas di bentanan cushina tabata destrui.
E famia a sinti falta di un short y slof ambos di hende muher. Dilanti cas a bin haya benta entre otro herment cu a worde usa pa traha cu cement.
Tin fuerte sospechoso cu ladron a drenta via porta di cushina. Ambos caso tin atencion du Recherché.
