Home General Elmar y sindicato U.E.A a firma C.A.O di 30 luna

Elmar y sindicato U.E.A a firma C.A.O di 30 luna

0
0
SHARE
- Advertisement -

elmar2Den un ambiente di comprension pa e retonan nos dilanti
E compania ta cuminsa un trayecto nobo pa brinda mas y miho servicio
ORANJESTAD(AAN)– Despues di solamente 2 luna di negociacion, gerencia di N.V. Elmar hunto cu sindicato UEA a firma e contracto colectivo di trabou cu ta drenta na vigor desde 1 di october 2010 te cu 2 april 2013. E contracto colectivo di trabou a duna mas atencion na beneficionan secundario cu na aumentonan directo riba salario di e trahadonan. E compania y sindicato ta di acuerdo cu N.V. Elmar, mescos cu tur otro companianan, ta confrontando retonan debi na e situacion economico mundial.


N.V. Elmar a mantene e mesun sistema di aumento di salario cu a introduci desde e CAO firma na aña 2008. Ta referi na e sistema nobo unda a cambia for di duna aumento den porcentahe di salario, pa un sistema den cual ta mara un suma di aumento.

Na Hulandes nan lo bisa “niet in procenten maar in centen”. E bentaha di e sistema aki ta cu e ta mas husto, por ehempel un aumento di 2% di un salario di Afl. 3.000,00 pa luna ta hopi menos (Afl. 60,00) cu 2% di un salario di Afl. 6.000,00 (Afl. 120,00).

E custumber di duna aumento di salario den porcentahe pa hopi aña a crea
un crecemento desproporcional di e salarionan halto y tambe entre e salario den e categoria averahe y esunnan mas halto.

Den e CAO 2010- 2013 a introduci un sistema di “salary brackets” pa for di awor caba trata di cera e “gap” entre e salarionan averahe y esunnan halto y tambe pa evita cu e salarionan halto ta sigui crece desproporcional, te ora cu por introduci un sistema salarial structura den cual ta stipula e crecemento minimo, maximo y e pasonan di crecemento den e compania.

Si tene otro CAO nan na cuenta, anto por bisa cu e aumentonan di e aña aki ta menos lucrativo. E motibo principal ta cu ya e salarionan en general ta halto compara cu nos mercado laboral.

Tambe gerencia di N.V. Elmar y UEA ta reconoce cu tin retonan financiero y e tempo di ganashi substancial ya ta pertenece na pasado.

Despues di 16 reunion, gerencia di N.V. Elmar y sindicato UEA a acorda cu e aumentonan di salario lo ta parti como lo siguiente:

Separa di e aumentonan general di salario ariba menciona, durante e periodo di e CAO cada empleado lo ricibi dia 1 di october 2010, 2011 y 2012 un aumento di salario di Afl. 50.00 como un compensacion pa aumento di costo di bida.

N.V. Elmar ta percura pa bienestar di su empleadonan y ta den e cuadro aki cu a adapta e “nieuwjaarspremie” cu ta wordo paga den luna di januari, e “bedrijfsperformance bonus”, “kindertoelage”, suma di bon di cuminda y hasta contribucion pa ora di entiero di empleado y famia..

E compania nacional di distribucion di coriente ta satisfecho cu e contracto colectivo di trabou logra y ta gradici sindicato UEA den representacion di e empleadonan, pa nan comprension y compromiso pa hunto traha duro pa hiba e compania na e siguiente nivel den servicio.

N.V. Elmar ta convenci cu su trahadonan ta cla prepara pa hunto sigui traha den ofrece clientenan bon servicio y un red stabiel di distribucion di coriente confiabel y di calidad.

- Advertisement -

DUNA COMENTARIO

Please enter your comment!
Please enter your name here