Home Evenemento F.D.A cu caminata pa conmemora dia mundial di diabetes

F.D.A cu caminata pa conmemora dia mundial di diabetes

1
0
SHARE
- Advertisement -

ORANJESTAD (AAN) — Diadomingo awor ta e dia grandi, esta Dia 14 di November, Dia Mundial di Diabetes y Fundacion Diabetico Arubano ta tene su canamento anual, riba e fecha aki, y e biaha aki na Oranjestad.

Den entrevista cu presidente di e fundacion sr. William Philips, el a duna nos redaccion e siguiente informacion:

“ Esaki ta un actividad cu ta tuma lugar internacionalmente. E ta cuminza na Wilhelmina Park, pa 5.30’or di atardi, y lo termina dilanti di Edificio di Parlamento, cu lo wordo ilumina na blou. Y Fort Zoutman tambe lo wordo ilumina na blou”, sr. Philips a duna di conoce. Tin un contribucion chikito di parti di e participantenan, cu ta inclui flanel, awa y fruta na final.

“ Nos ta invita un y tur bin cu nan famia, conocirnan, coleganan, etc., haya informacion, disfruta di snacks saludable, y cumpra bo flanel, pa nos hunto celebra e Dia Internacional di Diabetes, canando den gran forma”, el a agrega.

 

CLAUSURA CU ZUMBA:

 

“ Nos lo finaliza nos actividadnan dia 24 di November, cu un evento di zumba, cu lema: ‘Zumba goes blue 4 diabetes’, y henter nos poblacion ta invita pa participa. E lo tuma lugar na Palm Beach Plaza, den horario di 7’or pa 8.30’ or di anochi”, sr. Philips a menciona.

Tin un contribucion di entrada, y tin premio pa e flanel mehor decora. Pa mas informacion por tuma contacto cu e fundacion na telefon 747-4700, despues di 5’ or di atardi.

- Advertisement -

DUNA COMENTARIO

Please enter your comment!
Please enter your name here