Home Policial Homber a manda auto riba polis

Homber a manda auto riba polis

2
0
SHARE
- Advertisement -

ORANJESTAD.(AAN); Dos asistencia a drenta den mesun ora na central di polis relaciona cu bringamento. E prome asistencia cu patruya di Oranjestad a atende tabata den West straat den cercania di club nocturnonan, den e asina yama Hot Zone #1. Patruya di polis cu a presenta a wordo acerca pa guardia di seguridad cu a conta cu dos mucha muher a bringa formal cu otro.
Un di e mucha muhernan di inicial M.M. tabata bao di influencia fuerte di alcohol. El a wordo deteni mesora pa su seguridad y pa seguridad di otro y patruya a transporte warda di Oranjestad.
Fiscal auxiliar a atende e caso y a ordena pa encarcela M.M. tras di trali pa e sosega curpa.
Mientras tanto patruya di Oranjestad, tambe a bay atende na un bar restaurant situa na waf chikito. Polis ta topa na yegada un colega di nan cu a bisa cu despues cu a saca e sospechoso homber di inicialnan A.E.J. for di e localidad a surgi problema.

E homber A.E.J. a subi auto y a trata pa dal e colega polis cu e vehiculo. Mesora a detene A.E.J. pa intento di asesinato y a transporte pa warda na unda el a wordo encarcela pa mas investigacion.

- Advertisement -

DUNA COMENTARIO

Please enter your comment!
Please enter your name here