ORANJESTAD (AAN)* Relaciona cu biyete falso di 100 florin, Diario a tuma contacto cu Banco Central cu a duna e siguiente informacion. E biyete falso a wordo haya na un Casino local y te ainda no a tende di otro caso. Den esaki Banco Central kier concientiza tur hende riba e peliger di wordo estafa cu biyete falso di cualkier dominacion. Tin e parti di folie, cu ta si tene un biyete autentico schuin, e folie ta bira mas lombrante y visible E elemento aki di color di plata ta riba tur biyete cu parcialmente ta un sobre imprenta. Ora di tene un biyete autentico contra di luz, un linea scur ta bira visible. Por mira e hilo di seguridad na e banda dilanti e biyete. Door di tene e watermark contra luz e palo di Watapana/DiviDivi den tononan cla y scur ta bira visebel. Nobo ta e logo di Banco Central, cu ta bastante luminoso, loke ta un elemento extra den e watermark existente.
Si pasa dede riba un biyete ta sinti un laag di inkt riba algun parti. Door di e elementonan palpable aki, cu ta poni bao di e watermark, personanan cu problema di bista sa si ta trata di un biyete autentico.
Riba e parti nan blanco di e banda patras di cada biyete a pone un patronchi nobo di inktnan cu ta cambia di color. Door di move e biyete un poco di banda e patronchi aki ta cambia di color. Riba tur biyete tin e patronchi special aki den e color corespondiente.
Riba e serie nobo di biyetenan tin circulonan chikito geel cu ta nobo riba e biyete. Riba un biyete autentico nan ta tanto riba e banda dilanti como e banda patras di tur biyete. Ora tene un biyete autentico bao di lampi di luz violeta, fibranan luminoso ta bira visible tanto e banda dilanti como e banda patras di e bayite.
Riba un biyete autentico e dibuho den e marca transculente ta bira visible ora tene e biyete contra luz. Door di imprenta cu ta pas cu banda dilanti y e banda patras di e biyete, e imagen ta bira completo.
Riba un biyete autentico tin textonan chikito cu mayoria persona por lesa sin ayudo di un bril. Otronan kisas mester di usa un vergrootglas. Riba un biyete falsifica hopi biaha no por lesa e lternan chikito.
