Home General ORA DTI Constata Cu Un Auto Tin Luznan Cu Ta Wordo Desvia...

ORA DTI Constata Cu Un Auto Tin Luznan Cu Ta Wordo Desvia Di E Reglanan Nan Ta Wordo Afgekeurd

0
0
SHARE
- Advertisement -

Director di DTI:

 

ORANJESTAD   (AAN):   Tin algun auto nobo cu ta ser bendi na e momentonan aki cu no lo wordo gekeur pa DTI.

   Relaciona cu e asunto aki DIARIO a tene un entrevista cu Dominico Werleman, director di DTI kende a bisa cu nan keur a base di regla cu ta stipula y cu tin di haber cu e luznan y color di luznan tambe.

   DTI a constata cu ultimo tempo tin hopi auto cu luznan color blauw y esey no ta poni den e reglanan. Pesey obligatoriamente DTI tin cu desaproba nan ya cu nan no ta cumpli cu locual ta stipula den e reglanan.

     Segun Sr. Werleman, nan a saca un comunicado di prensa informando comunidad y nan a manda un carta pa e car dealernan notificando nan di e reglanan y di e articulonan concerni den ley pa nan ta na altura ora cu nan importa auto pa nan tene cuenta cune.

    A sigui splica cu si un auto ta bin di fabrica, semper ta bon pa tuma contacto cu DTI pa wak si por yega tog na un areglo transitorio pa wak si por cumpli cu e reglanan of si tin adaptacion di e reglanan.

    Dependiendo di e grado di luz cu e ta emiti e color ta cambia, a bisa. Entre 7 mil pa 8 mil Kelvin, e color ta cla ainda. Asina cu bo bay mas halto, e color ta bira blauw te hasta roos. Esey no ta permiti te ainda.

   E autonan cu luznan asina halto no ta wordo gekeur. Si nan ta wordo permiti pa core ariba caminda. DTI no tin autoridad ariba caminda, a subraya.

    Si DTI constata cu un auto tin luznan cu ta wordo desvia di e reglanan nan ta wordo afgekeurd, a splica.

    Banda di esaki, DTI a consta ultimo tempo cu un auto sea cu a wordo importa of adapta, cu e luz patras of e cover ta asina scur cu ora di brake practicamente no ta wak e luz mas. Esakinan tambe ta wordo afgekeurd pasobra e regla ta bisa cu mester por wak e luz cora for di un distancia caba.

- Advertisement -

DUNA COMENTARIO

Please enter your comment!
Please enter your name here