Archivo di November, 2010
Segun Minister Dowers,
Ora e ta cla lo determina si e detencion ta hustifica of no
ORANJESTAD(AAN): Durante conferencia di prensa di Minister di Husticia Arthur Dowers, a puntre tocante e asunto unda cu polisnan a reuni cu nan sindicato SPA, tocante algun preocupacion cu nan tin. Segun Dowers, ultimo simannan tabata tin discusionnan entre polisnan y Cuerpo Policial pa loke ta trata funcionamento di BIZO, cu ta e departamento di Cuerpo Policial, cu ta investiga polisnan. Segun e mandatario, el a compronde cu e agentenan policial a protesta contra e hecho cu un colega di sindicato a wordo deteni y tambe nan a protesta contra e hecho cu un miembro di e sindicato a wordo poni riba ‘non actief’.
Awe 29 november e mama y abuelita mas bunita, lief y sexy ta haci un aña mas di bida, MARGARITA. e ta haya pabien di Paps, su juinan Jaira, Sue anne, Angele Y Betto , sunchi cu brasa di su nieto y nietanan, especialmente e princess chikito Jayra.Tambe di su mama su 2 ruman homber nan. tambe pabien di Andry, Jessica, Saskia, JAyden, Tyrone y su coleganan di Hyatt Hotel y demas famia. tur ta desea e hopi aña mas di bida.y awe nochi nos ta pasa come e bolo di tres lechi.hmmmm
Prome Minister Eman satisfecho cu palabracionnan haci
DEN HAAG/ORANJESTAD- Sra.Annemarie Jorritsma, kende ta burgemeester di Almere y na mes momento presidente di VNG (Vereniging Nederlandse Gemeenten) a reuni cu Minister Presidente di Aruba Mike Eman pa discuti e relacion di cooperacion entre Aruba y VNG di Hulanda.
Sra. Jorritsma ta haya cu e relacion aki mester wordo structura y profundisa ya cu Hulanda tin hopi di ofrece. Eman ta di opinion cu e cooperacion mester ta mas y miho enfoca riba e terenonan riba cua kier traha hunto. VNG ta brinda ayudo den forma di comparti y contribui cu conocemento y experticio di funcionarionan Hulandes.
Actuacion di Gobierno ta daña imagen di Corsou
ORANJESTAD(AAN): E lider di PAR sra. Emily de Jong Elhage sigur no ta di acuerdo cu loke Gobierno a haci poniendo e director di e departamento di Seguridad Nacional un banda.
E departamento aki ta encarga pa screening di e personanan cu lo forma parti di Gobierno, esta e Ministernan. E politico aki cu mas voto, y di e partido mas grandi, tambe ta na altura di e cos aki cu no ta canando corecto na Curacao. E asunto di screening di ministernan ainda ta colga. A bai asina leu cu a move e director di Seguridad Nacional pa pone otro hende na su lugar.
E director a bai corte y huez a mustra cu e director di Seguridad Nacional mester bai traha mesora.
Un arubiano ehemplar ORANJESTAD (AAN)*
Mester duna e ciudadano Antoni
Gario reconocemento na prome
lugar como un persona cu su
curazon ta na e lugar corecto
y como mayor ehemplar e
tabata preocupa cu desaparicion
di e mucha muher.
Den esaki mirando cu e mucha
muher a ser perdi na San Nicolas.
Pesey e tabata super atento pa cualquier mucha muher d edad hoben cu e por mira riba caya. E tabata coriendo riba e caminda di Weg Sero Preto pa mas o menos 7:55 a.m. y dado momento el a wak un mucha muher ta actua sospechoso.
ORANJESTAD (AAN)- Diahuebs
anochi tabata tin un accidente na
altura di Rooi Santo caminda un auto di famia y quadracer tabata envolvi.
Segun por a observa na e sitio y despues di a scucha esnan presente por a compronde cu un señora a bira malo tras di stuur caminda na dado momento el a bay cu su auto otro banda di caminda y a bay dal semi frontal den un quadracer cu tabata pasando.
ORANJESTAD (AAN)- Diahuebs anochi
despues di misa di confirmacion
na Misa di Playa un hoben
a haye den un accidente
ora cu el a cruza caya y
a wordo alcanza pa auto.
E hoben cu e dia ey a caba
di confirma no a ripara e
auto ta bay pasa y tampoco
e auto a ripara e hoben cu tabata cruzando caya cu consecuencia cu e auto a bay dal e hoben.
*H.V mesora a bisa huez cu e ta bay apela
ORANJESTAD(AAN): Diabierna huez a duna su veredicto den un caso contra Hubert V. H.V a wordo acusa di a comete actonan inmoral cu un mucha menor di edad y tambe cu e tabata tin relacion sexual cune na diferente occasion, siendo cu e mucha aki ta yiu di su pareha. Huez a haya legalmente comproba cu e homber tabata tin relacion sexual cu e mucha prome cu e tabata tin 12 aña y tambe despues cu e tabata tin 12. H.V a admiti cerca polis cu ta e mucha muher mes tabata kier, pero durante tratamento di e caso na corte, el a bisa huez cu loke tin para den su declaracion no ta berdad.
ORANJESTAD.(AAN):– Un caso cu na e momento nan aki ta bao di investigacion ta relaciona cu secuestro, menasa cu di arma di candela y maltrato serio combina cu robo. Tabata diahuebs den careda di 7’ or y 30 anochi a presenta na warda di Noord e homber cu a duna polis di conoce cu su inicialnan ta A.D.C. naci na Republica Dominicana, di 33 aña di edad. E tabata bao di sanger.
E homber tabatin dos cap formal na su cabez cu tabata sangrando. E homber a declara na polis cu e ta hospeda na un hotel den Caya Betico Croes y un rato prome el a wordo maltrata pa tres homber di habla Spaño na Kudawecha.
Muher atraca na Sero Blanco
ORANJESTAD (AAN)- A para bira na Aruba cu bo no por ni cana bo so mas. E pueblo ta bibando den un incertidumbre tremendo ya cu nan tin miedo di sali for di nan cas pa ladronnan no horta y nan tin miedo di sali nan so pa bo no wordo atraca. Ta hopi di e casonan aki a pasa aki caba cu tin e pueblo tur disgusta. Diahuebs anochi tabata tin un caso caminda un dama a keda totalmente den shock pa loque el a pasa aden.
ORANJESTAD.(AAN):– Problema di bala por poco a sali for di man na Sabana Basora. Central di polis a dirigi patruya San Nicolas na un cas situa den Sabana Basora, Noord. Na e direccion polis a papia cu e señora doño di cas cu a splica kico a caba di tuma lugar. Segun version di e señora di inicialnan D. de C., di 50 aña di edad, su persona cu e homber bisiña a haya discusion formal pa motibo cu yiu di homber e bisiña na varios ocasion, ora e ta hunga bala, esaki ta desvia y cay den cura di denunciante. E biaha aki e bala a bay dal den auto di D. de C. y su cana a yena. El a confisca e bala y bay paden cune.
Segun registro di Departamento di Salud:
Casonan notifica a subi di 435 na 538!
ORANJESTAD (AAN): Maribelle Tromp, Hefe di Seccion di Epidemiologia y Investigacion di Departamento di Salubridad Publico a hiba palabra ayera durante un conferencia di prensa convoca pa Minister Richard Visser. El a elabora riba e datonan mas recien encuanto e situacion di dengue na Aruba. A señala cu siman pasa caba nan a referi na un situacion di alerta pa un epidemia di dengue. For di siman pasa te cu awor, tin un aumento di casi 30 porciento di notificacion di casonan den su totalidad, a bisa.
