Home General Tin Varios Lugar Cu Ta Habri Sin Cu A Haci Keuring Di...

Tin Varios Lugar Cu Ta Habri Sin Cu A Haci Keuring Di Gas

0
0
SHARE
- Advertisement -

Durante accion di Swipe Team a constata:

ORANJESTAD   (AAN):    Na DTI tambe algun miembro ta forma parti di e asina yama “Swipe Team” di Departamento di Salubridad. 

     Dominico Werleman, director di DTI a indica cu tin personal di DTI cu tambe ta cana controla tur e restaurantnan, snacks y take away. A consta cu tin lugarnan cu ta den operacion mientras cu nan instalacion di gas no tin un keuring. Den e caso aki ta para e trabao di biaha, a señala.

   Den caso cu e instalacion ta sigur, e ora por yega na un palabracion cu e doño cu temporariamente e por cuminza usa e instalacion cu e tin, pero mientrastanto ta pone un instalacion nobo cu ta cuadra cu e reglanan. Esey ta depende cu e situacion cu nan ta haya, a bisa.

   Si e situacion ta asina deplorable cu ta bisa cu no por use, e ta worde saca for di servicio te ora cu e ta worde drecha completamente y pasa e keuring.

    Tin varios lugar cu ta habri y cu te ainda no a tuma contacto cu DTI. Aunke tin varios persona reconoci cu por haci e trabao y haci e keuring, tog asina mes tin varios lugar cu ta habri sin keuring di gas, Werleman a splica. 

  Hopi biaha Brandweer ta keur e bouwtekening, pero ora e situacion presenta nan mester acudi na Brandweer bay keuring final, esey no ta tuma lugar tampoco, a manifesta.

    Dominico Werleman a sigui bisa cu tin personanan cu ta dicidi di habri su negoshi siendo cu su papelnan no ta cla y nan keuring tampoco ta cla.

- Advertisement -

DUNA COMENTARIO

Please enter your comment!
Please enter your name here