Home General Aruba ta hayando ayudo di Curaçao den caso di Poentje Castro

Aruba ta hayando ayudo di Curaçao den caso di Poentje Castro

10
0
SHARE
- Advertisement -

ORANJESTAD(AAN): Dolfi Richardson, kende ta Halto Comisario di Polis tambe tabata un di esnan presente den e reunion TOP di justicia cu a tuma luga prome cu Pasco.

   Durante entrevista a mustre riba e reunion cu nan a tene cu esnan den e top di husticia na Aruba. Ministerio Publico, hefenan di Recherché, top di mando policial y minister di husticia tambe presente.

   Despues di e reunion a puntra Dolfi Richardson pa splica un tiki riba e reunion. Den e reunion kier a delinea actuación di autoridad, den e dianan di fiesta despues di algun acto di violencia pisa cu a tuma luga. A dicidi cu Polis lo bay ta hopi visible riba caretera y den comunidad pa pueblo por disfruta trankil di e dianan di fiesta.

   E controlnan lo bay ta general, riba tur cos, y esakinanlo bay ta rond di Aruba, pero no ta bay specifica na unda pa e hendenan cu kier hunga sabi. Pa loke ta e asesinato cu a tuma luga e siman di Pasco riba e personahe conoci di televisión Poentje Castro, tin un ekipo trahando 24 ora pa dia pa trata di soluciona e caso aki mas lihe posibel. Despues di a haya resultado di autopsia, e team a sinta hunto pa analisa tur e datonan cu nan a recibí te e momento ey. Autoridadnan kier haya e responsable mas lihe posibel. Nan ta contento cu tin hopi información drentando relaciona cu esaki. Alto Comisario no kier a bay papia di liquidación pasobra e investigación ta andando cu ta contando cu 14 persona en total den e investigacion. Inclusive ta hayando ayudo for di expertonan di Curaçao. Aunke cu e funcionario no kier a confirma nada riba resultado di e autopsia, e información cu nos a recibí ta indica cu Castro a haya dos tiro cu a drenta sali y cu el a sangra muri.

- Advertisement -

DUNA COMENTARIO

Please enter your comment!
Please enter your name here