Home Hudicial Caso “koper gate” posponi y huez a nenga pa laga dos di...

Caso “koper gate” posponi y huez a nenga pa laga dos di e acusadonan bay, pendiente di tratamento di e caso

1
0
SHARE
- Advertisement -

JudicialORANJESTAD(AAN): Vincent F.K, Elmer A.P, Oscar R.V, Yris M.P.V y Ulises E.N.B a presenta dilanti di huez Diabierna, mientras cu Mario A.G tambe mester a presenta, pero e no tabata tey.
E grupo aki a wordo acusa di ladronicia di tubonan di koper riba un tereno na luna di Juli 2010, di ladronicia di tubo di koper na Centro di Bario Brazil den e periodo di 13 pa 14 di Juli 2010, den un negoshi den e periodo di 22 te 23 di Juli 2010, den e mes negoshi ey den e periodo di 26 te 27 di Juli 2010, den un speelschool den e periodo di 28 di Juli te 3 di Augustus 2010 y den un cas na luna di Augustus 2010.
Huez a bisa cu e caso mester wordo posponi, pasobra el a ricibi e procesverbal final di e caso laat y el a asumi cu e abogadonan tambe a haya esaki laat.
Sinembargo e abogadonan a bisa cu nan a ricibi esaki caba.

Huez a bisa cu a planea caba pa pospone e caso y e lo wordo trata dia 25 di Februari, unda cu algun sospechoso mas tambe lo mester bin enfrenta acusacionnan contra nan.

Abogado Illes representando Vincent K. a pidi huez pa suspende detencion di su cliente, mirando cu e ta haya cu e castigo cu e lo haya, lo ta menos cu e tempo sinta den detencion preventivo.
E abogado a splica cu su cliente for di un principio a coopera y cu danki na su informacion, otro sospechosonan a wordo deteni.

Fiscal no tabata di acuerdo cu esaki y huez a dicidi di no lage bay.
Abogado Scheper representando Ulises B. tambe a pidi huez pa su cliente wordo laga den libertad pendiente di tratamento di e caso.

El a splica cu famia di su cliente a perde nan auto, mientras cu luz, awa y telefon a wordo corta, pasobra nan situacion financiero a bira peor cu e tabata caba, pasobra ta Ulises tabata gana placa pa trece entrada.

Fiscal a bisa cu ta fastioso berdad pa un persona ta cera, pero esey ta e intencion di tin prison.
Si un persona comete crimen, e mester sufri e consecuencianan.
E sospechoso tabata sa e consecuencianan, prome cu el a comete e delitonan di cual el a wordo acusa..

Huez a bisa cu tin suficiente indicacion cu U. a participa den tuma y bende koper horta.
Tambe pa asina cu el a yega di paga un multa den un Tom Zitting pa mesun tipo di caso.
Pues huez a nenga e peticion di lage bay.

- Advertisement -

DUNA COMENTARIO

Please enter your comment!
Please enter your name here