Caso di hogamento na Eagle Beach

Publication: Friday, 17 December 2010. Categoria: General

ORANJESTAD (AAN): Diahuebs Pa mas o menos 2:15′or di merdia, Polis a haya un yamada cu un persona a hoga na Eagle Beach. Patrouillenan ta bay na elugar i ta bin haya un curpa sin bida di un hende homber. E victima ta un turista Americano identifica como Richard Charles Corso, naci na Merca dia 27 di januari 1938 (72 anja), y ta hospedando na La Quinta.
Su señora y otro testigonan ta bisa polis cu e tabata landa ora cu dado momento el a haye den problema y a hoga prome cu nan por a yega na dje.
Slachtofferhulp a ser notifica y ta dunando sosten na e senjora di e victima.
Mientras tanto, Diahuebs anochi, Servicio Meteorologico a emiti un advertencia pa Laman Bruto na parti Pabao di Aruba.

Aunque cu desde anochi di december 16, 2010 e area di labadera cu un componente di west ta menguando, usuarionan di lama mester keda tene cautela na e costa west di Aruba. Ta proyecta cu durante mainta di december 17, lama lo bira normal atrobe.

Leave a Reply